Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Qazaxda sahibkar bir ailəyə necə FACİƏ YAŞATDI... - "7 gözəl" Şadlıq Evinin sahibinin əlavə qazanc həvəsi və...
Tarix: 06-04-2019 | Saat: 17:27
Bölmə:M / Karusel / Gündəm / Araşdırma | çapa göndər

Qazaxda sahibkar bir ailəyə necə FACİƏ YAŞATDI...
Haşiyə: Qazaxın Ağköynək kəndində tanınmış bir inasanın qocalıq dövrünə çatmayan oğlunun yas mərasimində idik. El dilində desək, ölən günü idi. Mərasimdə xeyli insan kütləsi vardı . Mərhumu dəfn etmək üçün Ağköynək qəbiristanlığına biz də getməli olduq. Dəfn zamanı ictimaiyyətin diqqətini gənc yaşlı bir oğlanın məzarı da cəlb etdi. Saçları gözünün üstünə tökülmüş, gözləri bu həyatdan doymayan, süzgün baxışları ilə sanki gəlib-gedəni seyr edən, elə bil ölümünə kimin və nəyin bais olduğunu hələ də düşünən bu gənc Məmmədəliyev Elnar Muradxan oğludur. Qəbirin başına toplaşanlar bəlkə də haqlı danışırdılar ki, “bu uşaq Qazaxda Ağstafa çayının qabağı kəsilən göldə batıb. Həmin göl “Yeddi Gözəl” şadlıq sarayının qarşısında kəsilib. Kəsilməyi də qanunauyğun deyil. Buna necə imkan veriblər ki, çayın qabağı kəsilsin? Nəticəsi də bax belə olur”.

Açığı fikir bizi götürdü. “Çayın qabağının kəsilməsinə, qanunsuz necə icazə verilib və sairə”. Əsla, kiminsə sənədinə baxmaq, necə kəsdiyini analiz etmək bəlkə də bizim səlahiyyətimiz deyil. Amma, hər halda yas mərasimində iştirak edən qəm yuvasına batmış bir qrup insanların bizi “yüklədiyi” fikirlərdən azad olmaq üçün balaca bir jurnalist araşdırması aparmaq qərarına gəldik. 

Mediaxeberleri.az -ın apardığı araşdırmalar nəticəsində öyrəndiklərimiz bu oldu.

...Qazaxda 2018-ci ilin isti yay günlərindən biri... Kim bilirdi ki, həmin gün açılan səhər 15 yaşlı gəncin həyatının sonu ilə gündəmə gələcək. Belə bilsəydi dayısı Elnarı istirahət üçün Bakıdan Ağköynək kəndində yaşayan nənəsinin yanına gətirməzdi... O, bilsəydi ki, valideynlərinin gözünün ağı-qarası olan bir oğul suda boğularaq "ömürlük istirahətə" yollanaraq, əbədiyyətə qovuşacaq, Bakıdan Qazaxa yola düşməzdi. O, bisəydi ki, Elnarın nakam taleyinə dözməyən atası Muradxan kişi oğulunun ölümündən az bir vaxtdan sonra dünyasını dəyişəcək, anası Cəmilə xanım saçlarını yolub tər çiçəklərlə birgə qəbir üstünə səriləcək, heç addımını belə atmazdı Qazaxa...

Bəli, 2003-cü ildə dünyaya göz açan Məmmədəliyev Elnar Muradxan oğlunun acı taleyi Qazaxda çox böyük sensasiya ilə qarşılandı. Qeyd etdiyimiz kimi dayısının yanına düşüb istirahət üçün Qazaxın Ağköynək kəndinə, nənəsinin yanına gələn Elnar çimərlik üçün hazırda “Yeddi Gözəl” adlanan şadlıq sarayının qarşısında Ağstafa çayının üzərində qustar üsulla kəsilən yerdə yaranmış süni gölü seçdi. Hardan biləydi ki, həmin göl Elnarı öz ağuşauna alacaq, həyatına son qoyacaqdı. Paltarını gölün kənarında soyunub, suya baş vuran Elnar , çox çəkmir ki, gölün dibinə enir, bir daha geri dönmür. Təsadüfən gölün qırağında bir cüt ayaqqabı və uşaq paltarı görən bir nəfər bu işdən çox böyük narahatçılıq keçirir. Bir qədər gözlədikdən sonra, heç kimin paltara sahib çıxmamsını görüb, daha da şübhələnir. Polisə xəbər verir. Axtarış başlanır. Nəhayət, 15 yaşlı oğlan uşağının sudan meyiti çıxarlır. Polislərin axtarışı elə də uzun çəkmir. Meyitin kimliyi aşkarlanır. Sahibinə çatdırılır. 

Sən nə qəribəsən həyat? Dünən keçən yaydan nənəsinin yanını arzulayan, onu sevən, tez-tez şıltaqlıq edən Elnar bu gün qandonduran ana fəryadı ilə son mənzilə yola salınır. Nə idi günahı? 

Atası Muradxan kişi ilə anası Cəmilə xanımın neçə illərdi bir övlad arzusunda olduğu günün şadlığı ilə qəmliyi arsında olan saatları, dəqiqələri necə başa düşək? Budurmu dövran, budurmu varlıq, budurmu sonluq? Gələcəkdə böyüyüb igid əsgərlərimizin birinə çevriləcək Elnarın başlamamış həyatının sonu nə tez gəldi İlahi?
Elanr Məmmədəliyevin ölümünə dözməyən atası Muradxan çox keçmir ki, yeganə övladının yoxluğu onun da həyatına son qoyur. Ağır ürək xəstəliyinə düçar olan ata çox keçmir ki, əbədiyyətə qovuşur. Hazırda o, doğulduğu Ağstafa rayonunun Xılxına kənd qəbiristanlığında uyuyur. Allah rəhmət eləsin!

Anası Cəmilə xanım isə biryolluq Bakıda yaşamağı qərarlaşdırır. Bir ailə də beləcə dağılır.

... Elnar Məmmədəliyevin ölümü ilə bağlı Qazax rayon Prokurorluğunda istintaq işi açılır. Ölüm işinin qəsdən olmaması, sadəcə suda boğulması kimi qiymətləndirilir. Bu məsələnin görünən tərəfi. Hüquq-mühafizə orqanları öz qiymətlərini verirlər. Etirazımız yoxdur.

Məlumdur ki, hər bir millətin, hər bir ölkənin ən dəyərli sərvəti uşaqlardır. İstənilən cəmiyyətdə uşaqların mənəvi və fiziki sağlamlığının qorunması, hüquq və azadlıqlarının təmin edilməsi dövlətin inkişafı ilə bağlı olan strateji vəzifədir. Uşaqların xoşbəxt böyüməsi cəmiyyətin mənəvi, siyasi və sosial-iqtisadi inkişafının vacib meyarı və göstəricisidir. Azərbaycan cəmiyyətində ailəyə, uşağa məhəbbət xalqımızın milli təfəkküründən qaynaqlanır. Ölkəmizdə uşaqlar dövlət və cəmiyyət tərəfindən daimi diqqət və qayğı ilə əhatə olunur. Azərbaycan parlamenti də bu sahədə öz səlahiyyətləri daxilində kömək göstərməyə çalışır. Bu gün ölkəmizin uşaq hüquqları sahəsində ən müasir tələblərə uyğun olan qanunvericilik bazası formalaşdırılmışdır. İndiyədək Milli Məclis bilavasitə uşaq hüquqları ilə bağlı olan 10-dan çox qanun, bütövlükdə isə uşaq hüquqlarına bu və ya digər dərəcədə toxunan 72 qanun və 11 məcəllə qəbul etmişdir. Uşaq hüquqları sahəsində bir çox beynəlxalq konvensiyalar və s. 

Qanunsuz qustar üsulla yaradılmış süni göldə batan, uşağın ölümünə görə kim məsuliyyət daşıyır və cinayət məsuliyyətinə cəlb olunur?
Qazax rayon icra hakimiyyətinin başçısı bu gün fidan balalar üçün yaratdığı şərait hamı üçün bəllidir. Nə üçün 15 yaşlı gəncin ölümü onu maraqlandırmır?

Güman edirik ki, Başçı bu işi tezliklə nəzarətə götürəcək...

Araşdırmamız davam edir...

Qarşı tərəfin mövqeyini dinləməyə və dərc etməyə hazırıq.

Qazaxda sahibkar bir ailəyə necə FACİƏ YAŞATDI...
Qazaxda sahibkar bir ailəyə necə FACİƏ YAŞATDI...
Qazaxda sahibkar bir ailəyə necə FACİƏ YAŞATDI...
 




Xəbəri paylaş

6908 dəfə oxunub.

Digər xəbərlər
bütün xəbərlər
____ Instagram ___