Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Bakıda bu şirkət xanımları yarıçılpaq çəkir- Gizli kamera
Tarix: 12-11-2016 | Saat: 17:17
Bölmə:Karusel / Hadisə / Araşdırma | çapa göndər

Bakıda bu şirkət xanımları yarıçılpaq çəkir- Gizli kamera


Bakıda xanımlara kosmetik məhsullar satan müəssisə ilə bağlı şok ittihamlar ortaya çıxıb.

Bu barədə Musavat.com-a müəssisənin sabiq əməkdaşı danışıb.

Xanım əməkdaş kosmetik məhsullar satan VİP Stil MMC-nin (VIP Style) fəaliyyəti ilə bağlı ilginc faktlar açıqlayıb. Ən diqqət çəkən məqamlardan biri isə müəssisəyə gedən qadınların yarıçılpaq şəkildə görüntülənməsi ilə bağlıdır.

Cəbrayılova Lalə Cümşüd qızı müəssisədəki fırıldaqlar və özbaşınalıqlarla bağlı gördüklərini və yaşadıqlarını müvafiq qurumlara yazılı şəkildə çatdırsa da, bir nəticə əldə edə bilmədiyini deyir.

29 aprel 2015-ci il tarixdən VİP Həyat MMC-də işə başlayan L.Cəbrayılova deyir ki, sonradan MMC-nin adı dəyişdirilərək, VİP Stil MMC ilə əvəz olunub. MMC-də satış üzrə mütəxəssis vəzifəsində işləyən L.Cəbrayılova bəzi hallarda kosmetoloq kimi çıxış edərək, satış işi (marketinqlə) ilə də məşğul olduğunu deyib.

Aylıq 1000 manat əmək haqqı aldığını deyən L.Cəbraylova çalışdığı müəssisədə gördüyü özbaşınalıqlara etiraz etmək istəyərkən rəhbərliyin xəbərdarlığı ilə üzləşdiyini iddia edir:

“İlk işlədiyim vaxtlarda firmanı çox ciddi və həqiqətən də sağlam həyatı təmin edən və müştərilərə müəyyən miqdarda yüksək keyfiyyətli kosmetik vasitələr təqdim etdiyini düşünürdüm. Firmadan kremlər alan müştərilərə masaj aparatı ilə masaj olunmağı da hədiyyə edirdilər.

Bir neçə aydan sonra mənə məlum oldu ki, işlədiyim yerdə qanunsuz yolla heç bir tibbi sertifikatı olmayan, keyfiyyətsiz kosmetik məhsullardan istifadə olunur. Satılan kremlərin tərkibi tam aydın deyildi. Şirkətin əcnəbi rəhbərliyi heç bir lisenziyası olmayan, keyfiyyətsiz məhsullarını azərbaycanlılara rahat şəkildə satırdılar. Bu insanların sağlamlığına təhlükə yaradır. Sosial şəbəkə və internet üzərindən apardığım araşdırma zamanı öyrəndim ki, başqa ölkələrdə bu kimi işlərlə məşğul olan şəxslər ifşa edilib, məsuliyyətə cəlb olunub. Bu barədə rəhbərliyi məlumatlandırmaq istədim. Mənə “başını aşağı sal, işini gör” dedilər. Mənə xəbərdarlıq da etdilər”.

Şikayətçi xanım deyir ki, bir müddət sonra əmək haqqının verilməsində də problemlər yaranmağa başlayıb.

L.Cəbrayılova deyir ki, baha qiymətə satılan üz kremlərinin dəri üçün faydalı olduğuna inandırmaq üçün satıcı xanımlara xüsusi təlim keçirilir, müştəriləri hipnoz edirlər: “Kremlər 2-3 min manata satılır. Həmin kremlərin kreditlə satışı da həyata keçirilir”.

Bu şikayətlə bağlı ən şok iddia xanım müştərilərin nəzarət kameraları vasitəsi ilə görüntülənməsidir.

L.Cəbraylova iddia edir ki, nəzarət kameralarının olmasından müştərilər xəbərsiz olur:

“İş yerində hər tərəfdə kamera var. Hətta xanımların geyimlərini dəyişdikləri yerdə də. Lakin bu çəkilişdən müştərilərin heç xəbərləri olmur. Şirkətin kişi işçiləri həmin çəkilişləri "marketinqin səviyyəsini artırmaq məqsədi" adı ilə bəhanə edib izləyirdilər. Otaqlarda xanımlar yarımçılpaq vəziyyətdə masaj olunurlar. Bu barədə mənim əlimdə əsaslı sübutlar var. Əgər aidiyyəti orqanlar bunu araşdırarsa, həmin çəkilişləri onlara təhvil verməyə hazıram. Ancaq prokurorluğa 2 aydan artıqdır ki, müraciət etmişəm. Hələ ki, bir cavab ala bilmirəm. Bundan əlavə, onu da qeyd edim ki, azərbaycanlı işçilər əcnəbi rəhbərlik tərəfindən aşağılanır, təhqir edilir”.

L.Cəbraylova deyir ki, qısa müddət ərzində çalışdığı, lakin çoxsaylı özbaşınalıqlar gördüyü müəssisə ilə bağlı şikayətini ölkə rəhbərliyinə də ünvanlayıb: “Mətbuat vasitəsi ilə də dövlət qurumlarından, bu işi araşdırmalı olan şəxslərdən xahiş edirəm ki, qanunsuz fəaliyyət göstərən, istehlakçıların hüquqlarını kobud şəkildə pozan, heç bir vergi ödəməyən, mənşəyi məlum olmayan məhsulları insanlara satan VİP Stil MMC-nin fəaliyyəti araşdırılsın”.

L.Cəbrayılovanın bu iddiaları ilə bağlı VİP Stil MMC-nin mövqeyini öyrənmək mümkün olmayıb. Lakin bir həftədən artıq müddətdə olunan bir neçə müraciətə “Lalə Cəbrayılovanın ittihamlarına münasibət bildiriləcək” deyə cavab verilib.

Əvvəlcə bu ittihamlara cavab verəcək məsul şəxsin işdə olmadığını, daha sonra hüquqşünasın cavab verəcəyi deyildi. Lakin hüquqşünasdan da heç bir cavab alınmayıb.

Onu da əlavə edək ki, Lalə Cəbrayılovanın əsas iddiası müştərilərin yarıçılpaq şəkildə, gizli şəkildə görüntülənməsi ilə bağlıdır. Adı çəkilən xanım sübut kimi həmin görüntülərə sahib olduğunu da qeyd edir. L.Cəbraylova haqqında danışdığı sübutları təqdim edib. Həqiqətən də həmin görüntülərdə masaja gələn müştəriləri xanımların yarıçılpaq şəkildə kameralarla izlənildiyi görülür.

Bakıda bu şirkət xanımları yarıçılpaq çəkir- Gizli kamera



5558 dəfə oxunub.

Digər xəbərlər
bütün xəbərlər
____ Instagram ___