Nazir Şamaxıda vətəndaşları dinlədi

Nazir Şamaxıda vətəndaşları dinlədi
Tarix: 19-06-2015 | Saat: 15:48
Bölmə:Hadisə | çapa göndər

Azərbaycan Respublikası Prezidentinin tapşırığına uyğun olaraq, mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu davam etdirilir.

Nazir Şamaxıda vətəndaşları dinlədi

xeberaz.az-in ANS PRESS-den aldigi məlumatına görə, iqtisadiyyat və sənaye naziri Şahin Mustafayev bu gün Şamaxıda vətəndaşları qəbul edib. Şamaxı Olimpiya İdman Kompleksində təşkil olunmuş qəbula gələnlər sahibkarlıq fəaliyyəti, güzəştli kreditlərin verilməsi, istehsal sahələrinin yaradılması, fermer təsərrüfatlarının inkişafı, suvenirlərin satışına dəstək göstərilməsi, sosial və s. məsələlərlə bağlı müraciət ediblər.

Qəbulda vətəndaşların müraciətləri nazir Şahin Mustafayev tərəfindən diqqətlə dinlənilib, bir sıra müraciәtlər yerindəcə həllini tapmış, qaldırılan digər mәsәlәlәrin operativ araşdırılması və qanunvericiliyә uyğun hәlli üçün nazirliyin müvafiq strukturlarının rәhbәrlәrinә konkret tapşırıqlar verilib.

İqtisadiyyat və Sənaye Nazirliyinin səlahiyyətlərinə aid olmayan məsələlər barədə isə vətəndaşlara ətraflı izahat verilib, həmin müraciətlər aidiyyəti strukturlara çatdırılması üçün qeydiyyata alınıb. Qəbula gələn sahibkarların təklifləri müzakirə edilib, taxılçılıq, meyvəçilik, tərəvəzçilik, üzümçülük, heyvandarlıq, balıqçılıq, arıçılıq və s. sahələr üzrə investisiya layihələrinin maliyyələşdirilməsi barədə müvafiq göstərişlər verilib.

Qəbul günü digər rayonlardan olan vətəndaşlar da nazir Şahin Mustafayev tərəfindən qəbul edilib, hər bir vətəndaşın müraciətinə diqqətlə yanaşılıb, müraciətlərin operativ həlli üçün qanunvericiliyə uyğun olaraq müvafiq tədbirlər görülüb. Ümumilikdə, qəbulda Qobustan, İsmayıllı, Şamaxı və digər rayonlardan olan vətəndaşlar iştirak edib.

Xatırladaq ki, İqtisadiyyat və Sənaye naziri Şahin Mustafayev tərəfindən indiyədək bölgələrdə 31 vətəndaş qəbulu keçirilib, qəbullarda 1700-dək vətəndaş müraciət edib. Vətəndaşlar mərkəzi icra hakimiyyəti orqanları rəhbərlərinin bölgələrdə vətəndaşların qəbulunun təşkilinə və yaradılan şəraitə görə dövlət başçısına minnətdarlıq ediblər.

Xəbəri paylaş

7388 dəfə oxunub.

Digər xəbərlər

1-07-2015, 21:53 Suriya küçələri meyidlə doldu - DƏHŞƏT 18+

27-05-2018, 21:21 Biləsuvarda 16 yaşlı nişanlı qız intihar edib

7-08-2015, 13:57 Ayaqları bir həftəyə arıqlatmaq üsulu - Sadə və maraqlı RESEPT

26-10-2016, 20:55 NATO-dan sərt qərar: Rusiyaya yanacaq verilməyəcək

27-01-2018, 20:29 Baş prokuror ötən il görülən işləri qiymətləndirdi

26-01-2017, 17:53 Fədayə Laçın nənə olub? - "Gözə gəlməkdən qorxurdum" - FOTO

11-11-2016, 11:05 Bütün Əl Qaidə liderlərinə ölüm fərmanı verildi

12-02-2017, 11:43 Bakıda unikal barter: “Zaporojets”i “”Iphone”a dəyişir (FOTO)

15-05-2018, 14:53 44 yaşlı kişi intihar etdi-Gəncədə