Tarix Əliyevin aparıcılıq etdiyi "Tarixin bir günü" verilişində qonaq olan Təranə Qumral bəzi aparıcıları müğənnilərin sifarişi ilə hərəkət etdikləri üçün qınayıb.

Müğənni bir başa Zaur Kamala üzünü tutaraq bunları deyib:

"İllərlə mənim və ailəmin sayəsində reytinq qazanmısan. Sənin üçün, verilişin baxımlı olsun deyə nələr eləmişik? Sən aparıcısan, dürüst ol. Sənə məsləhətim, kiminsə sözü ilə oturub durma. "Instagram" səhifəmə qoysam, baxmayacaqsan, amma əminəm ki, bunu izləyəcəksən. Sən bizi iki ildir verilişinə çağırmırsan. Yəqin indidən sonra heç çağırmazsan. Sənə zəng edib demək istəyirəm ki, səni Rusiyaya toya dəvət edirlər. Sən mənim zəngimi açmırsan. Elə bilirsən, sənə deyəcəyəm ki, məni efirə çağır? Heç vaxt. Biz özümüz verilişləri seçib gedirik".

Aparıcı Tarix Əliyev isə bunun ARB televiziyasının rəhbərliyinin yox, aparıcının öz qərarı olduğunu düşündüyünü qeyd edib.

• Facebook
• Twitter
• Whatsapp
• Telegram