Kişilərdə doğuma nəzarət həbləri 100 faiz nəticə verir. Bununla bağlı Nyu Yorkun Weill Cornell Tibb Mərkəzində  uzun müddətdir araşdırmalar aparılır. Son sınaqlarda əldə edilən nəticələr olduqca perspektivli görünür.

Sözügedən həblər spermatozoidləri hərəkətsizləşdirir. Yeni dərmanın laboratoriya siçanlarında 100 faiz effektiv olduğu müəyyən edilib.

Tədqiqatçıların fikrincə, bu həblər vasitəsilə hamiləliyin qarşısını almaq üçün iynələrə, dərmanlara, vazektomiya və boruların bağlanması kimi qalıcı variantlara ehtiyac qalmayacaq. Dərmanı qəbul edərkən cinsi istək normal qalır sadəcə, hamilə qalmaq üçün spermanın hərəkətliliyi məhdudlaşdırılır. Ertəsi gün vəziyyət normala qayıdır. Yəni bu dərmanlar tamamilə zərərsiz hesab edilir. Dərmanı qəbul etdikdən iki saat sonra effektini göstərməyə başlayır.

Alimlərin sozlərinə görə, hamiləliyin baş verməsi üçün həm kişi, həm qadının rolu var. Amma indiyə qədər doğuşa nəzarət üçün yalnız qadınlar üzərində çarələr düşünülüb. Bu isə kişilərin iştirakənı məsələyə daxil edən ilk tədqiqatdır.