ARB TV-nin "Onun Sirri" verilişinin növbəti qonağı müğənni Nəfəs Məmmədli olub.

Sənətçi onu yarı yolda qoyan sevgisindən danışıb:

"O zaman onun 16 yaşı var idi. İlk sevgimi onda yaşadım, düşünürəm o da mən də. İndiyə kimi yaşadığım heç nədən utanmamışam. Qonşuluqda yaşayan rəfiqəm vasitəsilə əlaqə saxlayırdıq. Mobil telefonum olmadığından onların ev telefonu ilə danışırdıq. Sevgiyə, qayğıya ehtiyacım var idi. Yaxın münasibətimiz yox idi. Elə dövr idi ki, kimin əli kimə dəysə qorxub çəkinərdi. Hər şey gözəlikən bir gün qarşıma çıxıb dedi ki, nişanlanmışam. Çox pis oldum. Qurduğum xəyalları, arzuları məhv etdi. Bir müddət sonra bibim oğlu tərəfindən mənə evlilik təklifi gəldi. Həyatımı o tərəfdən itirmişdim, bu tərəfdən qazanmaq istədim. Razılıq verdim. Ailə qurdum. 7 il ailəli oldum. 22 yaşımda 2 övladla ayrıldım. Xeyli müddət sonra müğənniliyə adddım atdım. Sənətə yeni başladığım illərdə o mənə yazdı. Evlənməyibmiş. Mənə dedi ki, sənə xırda bir yalan danışmışdım. Sən demə, heç elə bir şey olmayıbmış".