Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Parlament qalmaqallı sənədin müzakirəsinə HAZIRLAŞIR – Deputat şeyxin müavinini DƏSTƏKLƏDİ
Tarix: 16-08-2017 | Saat: 11:23
Bölmə:Karusel / Gündəm | çapa göndər


Uzun müddətdir, müzakirəsi ləngiyən “Reproduktiv sağlamlığın qorunması haqqında” qanun layihəsi Milli Məclisin payız sessiyasında müzakirəyə çıxarılacaq.
 
Bu barədə  açıqlamasında  Milli Məclisin Səhiyyə Komitəsinin üzvü Kamilə Əliyeva deyib:
 
“Yəqin ki, bu payız sessiyasında “Reproduktiv sağlamlığın qorunması haqqında” qanun layihəsinə baxacağıq. Uzun müddətdir, bu qanun üzərində işlər gedir və artıq müvafiq orqanlara göndərilib. Qanun layihəsi demək olar ki, hazır vəziyyətdədir. Nəticə olaraq yeni mövsümdə qanunun müzakirəyə çıxarılması nəzərdə tutulub”.
 
Xatırladaq ki, "Reproduktiv sağlamlığın qorunması haqqında" qanun layihəsinin müzakirəsi milli mentalitetə uyğun gəlməməsi səbəbindən bir neçə dəfə təxirə salınıb. Layihədə narazılıq yaradan əsas məsələlərdən biri ekstrokorporal mayalanma üçün donorluğun tətbiqi ilə bağlı idi.
 
Qafqaz Müsəlmanları İdarəsinin sədrinin ictimaiyyətlə əlaqələr və ailə məsələləri üzrə müavini Qəmər Cavadlı da müsahibəsində qeyd edilən məsələyə toxunub. Onun fikrincə, Azərbaycanda donor bankının yaradılması genefondumuz üçün fəlakət ola bilər:
 
“Bir sıra ölkələr süni mayalanma üçün xüsusi tibbi bank yaradırlar və müxtəlif insanlar da burda donor kimi iştirak edirlər. Belə bir bankın Azərbaycanda yaradılmasına şübhə ilə yanaşıram. O şübhəm bu gün yox, sabah üçündür. Sabahkı genetik partlayış üçündür. Yəni bu, milli genefonda vurulan ən böyük zərbə ola bilər”.
 
Deputat Kamilə Əliyeva  donor  bankı ilə bağlı səsləndirilən fikirlərə də münasibət bildirib:
“Bu, məsələyə hansı prizmadan baxdığımızdan asılıdır. Bilirsiniz ki, süni mayalanmanın iki yolu var. Ailədə kişinin öz spermasının qadının yumurta hüceyrəsinə yeritməklə  süni mayalanma aparmaq mümkündür.
 
Bu yolla uşağın dünyaya gəlməsinin əleyhinə deyiləm. Ola bilər təbii yolla, övlad sahibi olmaq mümkün deyil, amma bu yolla mümkündür. Bu da süni mayalanmadır.
 
Amma mən də bir genetik və vətəndaş olaraq ananın yumurtalığına başqa spermanın yeridilməsinin tərəfdarı deyiləm. Burada söhbət yalnız mentalitetdən getmir. Genetik olduğum üçün donor bankının gələcəkdə hansı nəticələrə gətirib çıxaracağını düşünərək bunun əleyhinəyəm”.
(modern.az)



3688 dəfə oxunub.

Digər xəbərlər
bütün xəbərlər
____ Instagram ___