ABŞ tədqiqatçıları bildirirlər ki, şokoladı və şokolad məmulatını sevənlər insult riskinə daha az məruz qalırlar.
Mütəxəssislərin sözlərinə görə, belə effekt şokolad tipli şirniyyatın tərkibindəki flavonoidlər hesabına əldə olunur. Şokolad yeyən zaman orqanizmə daxil olan maddələr damarları genişləndirir, trombları aradan qaldırır. 
Mütəxəssislər bildirirlər ki, şokolad qan dövranını normallaşdırır. Flavonoidlər sayəsində insanın diqqəti artır, yaddaşı və reaksiya sürəti güclənir. 
Şokoladın səmərəsini artırmaq üçün onu başqa məhsullarla, məsələn, alma, qırmızı şərab və ya çayla birlikdə yemək lazımdır. Amma onu tünd içki ilə qarışdırmaq məsləhət görülmür. Çünki spirt və qlükoza reaksiyaya girəndə orqanizmin fəaliyyətinə mənfi təsir göstərən zərərli maddələr əmələ gəlir. Şokoladın tərkibindəki faydalı maddələr insultla yanaşı, Parkinson və Alsheymer xəstəliklərinin yaranmasının qarşısını alır. Üstəlik, şokolad orqanizmdə stress yaradan kortizol maddəsinin əmələ gəlməsi prosesini xeyli ləngidir.