Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Azərbaycanlılar vahid qüvvəyə çevriliblər - Oyta
Tarix: 04-06-2016 | Saat: 23:33
Bölmə:Karusel / Gündəm / M2 | çapa göndər

Azərbaycanlılar vahid qüvvəyə çevriliblər - Oyta

Dünya Azərbaycanlılarının IV Qurultayı bütün dünyada yaşayan azərbaycanlıların müstəqil dövlətimiz ətrafında daha sıx birləşməsində mühüm rol oynayacaq.

"Xəbəraz.az " xəbər verir ki, bu sözləri AzərTac-ın Avstraliya üzrə xüsusi müxbirinə müsahibəsində Avstraliya Azərbaycanlıları Assosiasiyasının prezidenti Mikayıl Oyta deyib.

Dünya azərbaycanlılarını növbəti toplantı vasitəsilə təbrik edən M.Oyta bildirib ki, son illərdə diaspor quruculuğu sahəsində mühüm uğurlar qazanılıb. Həmin uğurların əsası ulu öndər Heydər Əliyevin adı ilə bağlıdır. 2001-ci ildə, Dünya Azərbaycanlılarının I Qurultayında ümummilli lider Heydər Əliyev tarixi, dərin məzmunlu nitqini xatırladan Assosiasiya prezidenti vurğulayıb ki, məhz bu qurultaydan sonra Azərbaycan diasporu mütəşəkkil bir qüvvəyə çevrilməyə başlayıb. Bu gün dünyanın istənilən ölkəsində yaşayan azərbaycanlılar ümumi amallar naminə birləşərək vahid qüvvəyə çevrilib. Diasporumuz, o cümlədən Avstraliyada yaşayan azərbaycanlıların diaspor təşkilatları Azərbaycanın haqq səsinin bütün dünyada eşidilməsində, ölkəmizlə bağlı həqiqətlərin yayılmasında əlindən gələni edir. Dünya Azərbaycanlılarının IV Qurultayında Prezident İlham Əliyevin tarixi nitqi hər bir diaspor üzvü üçün qarşıda duran vəzifələrin müəyyən edilməsində əsl istiqamətverici və proqram xarakterli oldu. Bu nitq bir daha göstərdi ki, gənc Azərbaycan artıq qüdrətli dövlətə çevrilib və regionda heç bir böyük layihə onun iştirakı olmadan həyata keçirilə bilməz.

Azərbaycan Ordusunun aprelin əvvəllərində erməni təxribatına cavab olaraq həyata keçirdiyi uğurlu hərbi əməliyyatları xatırladan avstraliyalı həmyerlimiz bildirib ki, Prezident İlham Əliyevin də dediyi kimi, əsgərlərimizin bu qələbəsi bütün dünyada yaşayan azərbaycanlıların böyük sevincinə səbəb olub. Bütün dünya Azərbaycan Ordusunun işğal altında olan torpaqları azad etmək qətiyyətinin və əzminin şahidi oldu. Diaspor üzvləri isə əmin oldular ki, əgər Ermənistan işğal etdiyi torpaqları danışıqlar yolu ilə qaytarmasa, qəhrəman Azərbaycan Ordusu bu torpaqları qısa müddətdə geri qaytara bilər. Biz Ordumuzla fəxr edirik. Yaşasin Odlar Yurdu Azərbaycan!


Xəbəri paylaş

7058 dəfə oxunub.

Digər xəbərlər
bütün xəbərlər
____ Instagram ___