Allahşükür Paşazadə Abdulatipovla görüşdü

Allahşükür Paşazadə Abdulatipovla görüşdü - Foto
Tarix: 12-05-2016 | Saat: 20:12
Bölmə:Karusel / Siyasət / M2 | çapa göndər

Şirift ölçüsü:

Qafqaz Müsəlmanları İdarəsində (QMİ) Dağıstan Mədəniyyət Günləri çərçivəsində ölkəmizdə olan Rusiya Federasiyası Dağıstan Respublikasının başçısı Ramazan Abdulatipovun rəhbərlik etdiyi nümayəndə heyəti ilə görüş keçirilib.

"Xəbəraz.az " xəbər verir ki, QMİ sədri Şeyxülislam Hacı Allahşükür Paşazadə qonaqları səmimi salamlayaraq, Dağıstan və Azərbaycanın bir-birinə tarixi dostluq, mehriban qonşuluq əlaqələri ilə bağlı olduğunu qeyd edib. Şeyxülislam deyib: “Mən ölkələrimiz arasında mehriban əlaqələri yüksək qiymətləndirirəm. Azərbaycan və Dağıstan arasında siyasi, iqtisadi, mədəni və mənəvi əlaqələr var”.

Şeyxülislam dövlət və din, eləcə də Azərbaycanda dini tolerantlıq ənənələri barədə danışıb. Azərbaycanda əsrlər boyu müxtəlif dinlərin nümayəndələrinin dinc yanaşı yaşaması qeyd edilib. QMİ sədri vurğulayıb ki, burada heç vaxt ksenofobiya və dini zəmində münaqişələr müşahidə olunmayıb. Dağıstan xalqlarının nümayəndələri ölkəmizin tamhüquqlu vətəndaşlarıdır, bizi ortaq din, tarix və adət-ənənələr birləşdirir. Ölkə Konstitusiyası bütün vətəndaşları bərabər hüquqlarla təmin edir.

Dağıstan Respublikasının başçısı Ramazan Abdulatipov səmimi qəbula görə minnətdarlığını bildirib. O, Şeyxülislamın Qafqazdakı fəaliyyətinin böyük əhəmiyyət daşıdığını qeyd edib. Bildirib ki, Sovet İttifaqının süqutundan sonrakı ən çətin illərdə Şeyxülislamın kəsərli sözü bir çox insanları xilas edib. Erməni təcavüzü və çeçen müharibələri zamanı belə olub. Dağıstanın başçısı R.Abdulatipov Azərbaycan xalqının ümummilli liderinin qonşu Dağıstanla qardaş və dost münasibətlərinin qurulmasında əvəzsiz xidmətlərini qeyd edib. O deyib: “Şəxsiyyətin böyüklüyü öz xalqını, Vətənini nə qədər yüksəyə qaldıra bilməsi ilə müəyyən edilir. Mən Heydər Əliyevin necə çətin bir vaxtda hakimiyyətə gəldiyini xatırlayıram. Bu adam öz xalqını böyük bəlalardan xilas etdi. Biz əsası Heydər Əliyev və Vladimir Putin tərəfindən qoyulmuş mehriban qarşılıqlı anlaşma və dostluq münasibətlərini xatırlamalıyıq, bu münasibətlər indi də davam edir. Bu gün xalqlarımız arasında anlaşma naminə din xadimləri də böyük iş görürlər. Bu mənada Şeyxülislam Hacı Allahşükür Paşazadənin, Bakı və Xəzəryanı bölgənin yepiskopu Aleksandrın, habelə səfir Vladimir Doroxinin və səfir Polad Bülbüloğlunun fəaliyyətini xüsusi qeyd etmək lazımdır”.
* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbəri paylaş

7158 dəfə oxunub.

Digər xəbərlər

8-07-2017, 12:49 Kanal D-də yayın ən iddialı serialı başlayır - VİDEO

13-02-2019, 13:20 Qətlə yetirilən 18 yaşlı tələbə haqda YENİ FAKTLAR

12-08-2022, 15:45 DİPLOMUNA GÖRƏ PREZİDENTİN KÖMƏKÇİSİ VƏ MƏTBUAT KATİBİNƏ ÜZ TUTDU - AzTU-nun rektorundan ŞİKAYƏT

6-11-2016, 11:14 "MTN işi"ndə zərərçəkmiş: "Tapançanı göstərib, dedi öldürəcəm..."

13-08-2017, 11:17 Sosial şəbəkələrdə aktiv istifadəçilərin sayı gündə 1 milyon artır

3-08-2015, 11:26 İŞİD 4 yaşlı uşağa anasını öldürməyi əmr etdi

8-11-2023, 12:46 Bakıda müştərilər kafe sahibi və ofisiantı döydülər

28-12-2021, 08:36 Artıq Azərbaycanda da “Omicron” ştamı müşahidə olunur - Diqqət!

28-07-2017, 11:47 Azərbaycan ilə Yaponiya arasında birbaşa aviareys açılır