Mütəşəkkil dəstədən 76 kq narkotik götürülüb

Mütəşəkkil dəstədən 76 kq narkotik götürülüb - FOTO/VİDEO
Tarix: 09-02-2022 | Saat: 21:06
Bölmə:Bütün xəbərlər / Karusel / Gündəm / Hadisə / Həftə-Reytinq | çapa göndər

Şirift ölçüsü:

Daxili İşlər Nazirliyi Baş Narkotiklərlə Mübarizə İdarəsinin əməkdaşları tərəfindən keçirilən xüsusi əməliyyatlar zamanı ölkə ərazisinə külli miqdarda narkotik vasitələri qaçaqmalçılıq yolu ilə gətirib narkoşəbəkə yaradan 4 nəfər saxlanılıb.Nazirliyin mətbuat xidmətindən verilən məlumata görə, qanunsuz dövriyyədən 76 kiloqram narkotik vasitə və psixotrop maddə, eləcə də 965 ədəd psixotrop tərkibli həb çıxarılıb.
Daxil olmuş əməliyyat məlumatı əsasında paytaxtın Nərinmanov rayonunda keçirilən tədbir zamanı əvvəllər məhkum edilmiş Nazim Zeynalov saxlanılıb. Onun üzərindən və evindən ümumilikdə 66 kiloqramdan artıq, o cümlədən 52 kiloqram 708 qram heroin, 10 kiloqram 312 qram “patı”, “şüşə” adlandırılan metamfetamin, 2 kiloqram 144 qram marixuana, 1 kiloqram tiryək, narkotik vasitələrin satışı zamanı istifadə etdiyi elektron tərəzi, 450 ədəd metadon həbi və 1 ədəd narkotik vasitələrin satışı zamanı qeydlər apardığı dəftər aşkar olunub.
Baş İdarə əməkdaşlarının həyata keçirdikləri əlavə təxirəsalınmaz əməliyyat tədbirləri zamanı narkoşəbəkənin digər üzvləri Kamal Məmmədov, Qaraoğlan Süleymanov və Samir Rəhimov Bakı şəhəri ərazisində saxlanılıblar. Bu şəxslərdən ümumilikdə 10 kiloqram 128 qram heroin, metamfetamin, 515 ədəd ekstazi və metadon həbi, narkotik vasitələrin onlayn satışı zamanı istifadə etdikləri plastik kartlar, elektron tərəzilər aşkar olunub.
Sonuncu əməliyyatlar zamanı saxlanılan 4 nəfərin ətrafında aparılan tədbirlərlə müəyyən edilib ki, onlar narkotik vasitlərin qaçaqmalçılıq yolu ilə ölkə ərazisinə gətirilməsini təşkil edən əsas fiqurlar olublar. Beynəlxalq narkoşəbəkənin ölkə ərazisində dayaqları olan Nazim Zeynalov, Kamal Məmmədov, Qaraoğlan Süleymanov və Samir Rəhimov paytaxt, eləcə də bölgələrdə narkotik vasitələrin satışını təşkil edən narkokuryerlərdən ibarət mütəşəkkil dəstə yaradıblar.
Faktlarla bağlı Cinayət Məcəlləsinin müvafiq maddələri ilə cinayət işləri başlanılıb. Narkotiklərin qanunsuz dövriyyəsində təqsirli bilindikləri üçün saxlanılan şəxslərin hər biri barəsində məhkəmələrin qərarı ilə həbs qətimkan tədbirləri seçilib.

Xəbəri paylaş

4018 dəfə oxunub.

Digər xəbərlər

28-12-2017, 17:30 Dani Alveş 2018 ci ili Bakıda qarşılayacaq

25-05-2016, 16:50 jurnalist Çimnaz Abdullayeva məhkəmələrdə haqsızlıqla üzləşir.Qonşu davası 6 məhkəmədən keçib

8-08-2016, 13:50 Avtobusda qızla oğlanın intim TƏRBİYƏSİZLİYİ - BAKIDA / video/

14-08-2017, 11:38 Nazir qızına toy etdi

11-07-2016, 10:52 QİÇS təhlükəli xəstəliklər siyahısından çıxarılır

5-03-2019, 19:06 BŞİH Müsavatın mitinqinə icazə vermədi

16-04-2018, 21:12 “Avrasiya Kombat Ciu-Citsu Federasiyasının prezidenti Aqil Acalov İran və Belarusiya mütəxəssislərini qəbul edib”

30-04-2016, 17:25 Türkiyə turizmində rekord düşüş

27-04-2016, 11:46 Sumqayıtda ağır qəza: 1 ölü, 1 yaralı