“Tərəqqi” texniki-humanitar liseyində nələr baş verir ..? - Direktor Nasim Abışov 23 ilin müəlliməsini katibəsi vasitəsilə işdən necə qovdu..?

“Tərəqqi” texniki-humanitar liseyində nələr baş verir ..? - Direktor Nasim Abışov 23 ilin müəlliməsini katibəsi vasitəsilə işdən necə qovdu..?
Tarix: 21-12-2022 | Saat: 11:37
Bölmə:M / Karusel / Gündəm / Foto-fakt / Xəbəraz TV / Araşdırma | çapa göndər

Şirift ölçüsü:

Haqqında bəhs edəcəyimiz “Tərəqqi” texniki-humanitar liseyi barəsində qısa məlumat üçün qeyd edək ki, məktəb uzun illər 66 №li ümumtəhsil orta məktəbi kimi fəaliyyət göstərib. 1993-1994-cü tədris ilindən məktəbə Qarabağ uğrunda döyüşlərdə şəhid olmuş İ.Hacıyevin adı verilmişdir. 1999-2002-ci illərdə ingilis dili təmayüllü orta məktəb kimi fəaliyyətdə olmuşdur. Azərbaycan Respublikası Təhsil Nazirinin 7 avqust 2003-cü il tarixli 758 №li əmri və Ədliyyə Nazirinin 21 avqust 2003-cü il 0103-P26-38281№li qeydi ilə 66№li məktəb ingilis dilini öyrədən texniki-humanitar yönümlü məktəb-lisey olaraq qeydiyyatdan keçmişdir. 2006-2007-ci ildən etibarən Təhsil Nazirinin 28.12.2006-cı il tarixli 897 №li əmri və Ədliyyə Nazirinin 14.04.2006-cı il tarixli 1106-A2 445 №li qeydiyyatından keçmiş və bu gün Təhsil Nazirliyinin tabeliyində “Tərəqqi” texniki-humanitar liseyi kimi fəaliyyət göstərir. Liseydə təmayül siniflər aşağıdakı qaydada formalaşdırıb: 10 A – texniki və riyaziyyat-iqtisadiyyat təmayüllü 11a – riyaziyyat- iqtisadiyyat təmayüllü.
İndi isə keçək əsas məsələyə. Fikir verdinizmi, bu sıradan bir orta məktəb deyil, daha çox riyazi-iqtisadi elmlər üzrə ixtisaslaşmış məktəbdir.
Qısaca onu qeyd edək ki, “ Tərəqqi” liseyində sabiq nəqliyyat naziri Ziya Məmmədovun bacısı Məhbubə Məmmədovanın direktor olduğu dönəmdə çox neqativ hallar oldu. Və bu səbəbdəndə o vəzifəsindən uzaqlaşdırıldı. Bütün müəllim və şagird kollektivi düşünürdü ki, liseyə əsl təhsil işçisi rəhbər təyin olunacaq. Amma... Əmması odur ki, xeyli müddət 178 saylı orta məktəbdə direktor vəzifəsində çalışan Nasim Abışov “Tərəqqi” liseyinə direktor təyin olundu. Tanıyanlar yaxşı bilir ki, Nasim Abbasov hələ 178 saylı məkətbin direktoru olarkən neqativ əməllərinə görə, tanınırdı. Onun məktəbdəki kadr siyasəti, sinif rəhbərləri ilə münasibəti hamıya yaxşı bəlli idi. Digər tərəfdən heç kimə sirr deyil ki, hazırda məktəb direktorları repetitor müəllimlərə uşaqları hazırlamaq üçün məktəbdə yeri pulla icarəyə verirlər.
İkincisi, hazırlıq kursu keçən müəllimlərlə direktorlar 60-40 faizə, hətta bəzən 50 faizə şərikdirlər.
Sözün qısası, belə bir yüksək təcrübə keçmiş Nasim Abışov kiminsə himayəsi ilə “Tərəqqi” liseyinə direktor təyin olundu. Və... Nasim Abışovun əsl mahiyyətini bilmək üçün, “Tərəqqi” liseyinin təlim-tərbiyə işləri üzrə direktor müavini işləmiş, Qubadlıdan olan məcburi köçkün Əsədova Afət Misir qızının Birinci Vitse-Prezident Mehriban xanım Əliyevaya müraciətinə nəzər salaq: “ Mən Əsədova Afət Misir qızı 1993- cü ildən Qubadlı rayonundan məcburi köçkünəm.1996-cı ildən “Tərəqqi” texniki–humanitar liseyində (Keçmiş 66 saylı məktəbdə) fizika müəlliməsi işləyirəm. 2006- cı ildən isə həmin liseydə təlim-tərbiyə işləri üzrə direktor müaviniyəm. 29.12.2017-ci il tarixdə Abışov Nasim Əjdər oğlu"Tərəqqi" texniki-humanitar liseyinə direktor təyin olundu. İşə başladığı gündən bu günə qədər mənim tutduğum vəzifədə hansısa nöqsan tapıb, mənə heç bir xəbərdarlıq etmədən 13.02.2018- ci il tarixdə ərizəmi yazıb işdən çıxmağımı tələb etdi. Mən ərizəmdə tutduğum vəzifədən azad olunmağımı, lakin bir müəllimə kimi məktəbdə dərs yükümün saxlanılmasını göstərmişdim. O, isə mənə təzyiq edərək ərizəmi bir neçə dəfə dəyişdirməklə mənə 13.02.18-ci il tarixdən işdən azad olunmağıma dair ərizə verməyimi təkid etdi. Çox gərgin hisslər keçirərək özümdən qeyri-ixtiyari onun dediyi kimi ərizəmi yazdım. Lakin həmin ərizə mənim iradə və ifadəmi təmsil etmir. Direktor N.Abışov elə həmin gün, həmin saatda mənim əmrimi verib və əmrin çıxarışını öz katibəsindən mənə göndərdi. Mənimlə direktor arasında heç bir şəxsi-qərəzlik olmadığı halda, mən həmin məktəbdə müəlliməlik hüququndan məhrum olmuşam. Baxmayaraq ki, həmin məktəbdə 23 ildir müəllimə kimi çalışıram.
Onu da bildirirəm ki, erməni daşnakları tərəfindən doğma torpaqlarından didərgin düşmüş, YAP-ın fəal üzvü, “ Baş müəllim”, “ Qabaqcıl təhsil işçisi”, fizika kursu kitabının müəllifi, 1981- ci ildən əmək fəaliyyətində olan müəlliməyəm”. Bütün bunlar azmış kimi, məktəbin mühafizəçiləri direktor Nasim Abışovun göstərişi ilə məktəbin direktor müavini Afət müəlliməni məktəbin ərazisinə buraxmayıblar. Və xanım müəllimə ilə az qala CANİ kimi davranıblar.
İndi bildinizmi, “Tərəqqi” liseyinin direktoru Nasim Abışov kimdir və nəçidir..?
Bəli, bu gün liseyin şagirdləri pul verməkdən cana doyublar. Bu gün liseyin təsərrüfat işçilərinin maaş kartlarının kimin cibində olmasını Abışovdan soruşmaq lazımdır. Gecə saat 7-dən sonra liseyin işıqları niyə yanır..?
Otaqlar kimlərə kirayə verilir..? Liseyə işə qəbul hansı “summa”da olur..? Bütün bunlarla bağlı növbəti yazıda tanış ola bilərsiniz.

mənbə https://gundelik-baku.com/

Xəbəri paylaş

9698 dəfə oxunub.

Digər xəbərlər

5-04-2016, 11:05 Hikmət Hacıyev xarici mətbuata cəbhədəki vəziyyətdən danışdı – VİDEO

22-11-2015, 20:23 Erkən qırışıqlıqların səbəbi

5-02-2017, 20:48 Tovuzda 16 yaşlı qız intihar etdi

10-08-2015, 14:08 Doğuş zamanı 9 litr qan itirən qadın - qızına görə həyatda qaldı - FOTOLAR

28-08-2017, 23:09 Zukerberqin ikinci dəfə ata oldu

28-04-2015, 15:52 :Aqil Abbas polisin səlahiyyətləri artırılmalıdır.

4-04-2016, 17:27 Baş nazirin müavini: Çox yaxında tam qələbəni qeyd edəcəyik

17-05-2017, 10:04 Bakıda yaşayış binasında yanğın olub, 3 nəfər xilas edilib, 35 nəfər təxliyə olunub