"Mənim şikayətim Qəbələdə yerləşən "Soyug Bulaq" restoranındandır". Bu barədə "Müştəriyəm Şikayətim Var sosial qrupundakı paylaşımında Sara Həsən adlı istifadəçi giley edir.



Qeyd edək ki, narazı vətəndaşımız artıq ənənə halını almış bir problemdən yazır:

"Dünən bizi ailəvi olaraq "Soyuq Bulaq" restoranında oturduğumuz yerden qalxmağa məcbur etdilər və bildirdilər ki, gedib aşağıda əyləşək. Və bizim yerimizə ərəbləri otuzdurdular. Çünki ərəblərin bizim yerimizdən xoşu gəlmişdi. Təbii ki, bu cür hörmətsizlik görəndən sonra o restorandan çıxıb getdik".

Onu da qeyd edək ki, son günlər bu kimi şikayətlər artıb. Və bu da ona işarədir ki, dövlətin müvafiq qurumları hərəkətə keçib, vətəndaşlarımızın müdafiəsini təşkil etməlidir. Hər halda dünyanın heç bir yerində hansısa dövlət öz vətəndaşına ikinci sort gözü ilə yanaşmır. Bunamaləsəf, ancaq Azərbaycanda şahidlik edirik.



"Soyuq Bulaq" restoranına gəlincə isə bu restoranın sahibi qanunları pozmağa alışqandır. Elə KİV üzərində araşdırma aparıdqda görə bilirik ki, "Soyuq Bulaq"ın sahibi Cavid Vahabov polis tərəfindən hələ pandemiya dövründə bir neçə dəfə qanun pozuntuları səbəbindən cəzalandırılıb.

İndi də anoloji cəzalandırma zərurəti mövcuddur...

İddia olunanlarla bağlı  qarşı tərəfi də dinləməyə hazırıq...

DİA.AZ 

• Facebook
• Twitter
• Whatsapp
• Telegram