Bəs uşaqlar arasında yayılan xəstəlik və səbəbləri nələrdir? Bu xəstəlik koronavirusun yeni növü ilə əlaqəlidirmi?

Bu barədə Trend-in suallarını cavablandıran pediatr-reanimatoloq Qoşqar İsmayılovun sözlərinə görə, payız mövsümündə yuxarı və aşağı tənəffüs yollarının infeksiyaları yayılır.

"Qrip, influenza kimi respirator viruslar yavaş-yavaş aktivləşir. Uşaqlarda burun axması, öskürək, yüksək hərarət özünü göstərir. Bəzi uşaqlarda dəridə səpkilər əmələ gəlir. Sadəcə olaraq, bu virusların hər il yeni mutasiyaları, ştammları yaranır. Uşaqlar arasında yayılan bu xəstəlik koronavirusla əlaqəli deyil", - deyə o əlavə edib.

Yeni tədris ilinin başlanması ilə uşaqlar arasında virusun yayılmasının kəskin artamasına dair pediatr bildirib ki, xəstə uşaqlar bağça və məktəbə getməməlidir.

"Təbii ki, onlar qrip əleyhinə vaksinasiya oluna bilərlər", - deyə Q.İsmayılov bildirib.