ABŞ-nin İndiana ştatında çox su içən qadın ölüb.
Aşley Summers nadir rast gəlinən hal olan sudan zəhərlənərək ölüb.
Həyat yoldaşı və iki qızı ilə Friman gölünə gedən Summers səfərin sonunda çox susuz qalıb. 35 yaşlı qadın başının gicəllənməsini və ağrıları olduğunu da bildirib.
Onun qardaşı açıqlamasında deyib: "Biri dedi ki, bacım 20 dəqiqə ərzində 4 şüşə su içib. Bu o deməkdir ki, Summers cəmi 2 litr su içib. Mənə dedilər ki, bacının beynində şişlik var. Bunun nədən qaynaqlandığını bilmirlər. Şişkinliyi azaltmaq üçün nə edə biləcəklərini bilmirlər. Vəziyyət heç də yaxşı görünmür. Bu hamımızı şoka saldı".
Qeyd edək ki, araşdırmalara görə, sudan zəhərlənmə qısa müddətdə çox su istehlak edildikdə və ya narahatlıq səbəbiylə böyrəklər çox su saxladıqda baş verir. Su zəhərlənməsinin simptomlarına ürəkbulanma və baş ağrısı daxildir.
