Xəbər verdiyimiz kimi, əməkdar artist Elza Seyidcahan Yazıçılar birliyinin üzvü seçilib.

Müğənninin bu təyinatı sosial şəbəkələrdə birmənalı qarşılanmayıb. Bəzi istifadəçiləri AYB-ni bu addıma görə tənqid ediblər. 

Elza Seyidcahan  açıqlamasında AYB-yə üzv olması haqda danışıb: 

"Uğur qazanan insanın uğuru nə zaman birmənalı qarşılanıb? Qalibiyyət qazanan birinin uğurunu heç vaxt birmənalı qarşılamırlar. AYB-yə üzv seçilməyimlə bağlı rahat və xoşbəxtəm. İnsAllah bu təyinatların ardı-arası kəsilməyəcək. Haqqımda danışanların danışıqları bizi valeh edir. Onların danışmaqları bizi danışdırır. Mən anadan istedadlı doğulmuşam. Sonradan istedad qazanmamışam. Məni Allah bəyənib, dahilər bəyənib. Canlı dahilər, əfsanələr mənə təqdimatlar edirlər. Məni bəyənməmək söhbəti ola bilməz. Tənqidçinin də bir peşəsi olmalıdır. Hər yoldan keçən tənqidçi olub, nəyisə tənqid edə bilməz axı. Məni bəyənməyənlər özlərini bəyənməyən insanlardı. Təyinatımı bəyənməyələrin, tənqid edənlərin kimliyini araşdıranda görmək olar ki, yaxınına, dostuna, tanışına bir sözlə heç kimə faydası olmayan, vətəni, xalqı üçün heç bir sey etməyən insanlardırlar. Ancaq yenə də hər bir fikrə hörmətlə yanaşıram.

Haqqında rəy verən hər kəsə təşəkkür edən əməkdar artist təyinatı ilə Yazçılar Birliyində yenilikçi istedadlara dəyər verildiyinin sübut olunduğunu bildirib:

"Yazıçılar Birliyinin sədri Anara və bütün üzvlərə minnətdaram. Mənə rəy verən millət vəkili Nizami Cəfərova, Şəki Yazıçılar İttifaqının sədri Vaqif Aslana, sairə Cığatel xanıma şeirlərimə nəzəri rəy verdikləri üçün təşəkkürümü bildirirəm. Bununla da yenilikçi istedadlara dəyər verdiklərini bir daha sübut etdilər.

• Facebook
• Twitter
• Whatsapp
• Telegram