“Nivanın arxasında göyərti satan adama necə 1500 manat cərimə yazmaq olar? Hansı ki, iri biznesi olan sahibkar heç vergi ödəmir, ona cərimə yazılmır. Bununla inkişaf olmaz”.
Bunu Milli Məclisin Hüquq siyasəti və dövlət quruculuğu komitəsinin bu gün keçirilən iclasında deputat Tahir Kərimli deyib.
O bildirib ki, inkişaf etmiş ölkələrin 80% gəliri kiçik və orta biznezdən əldə edilən vəsait hesabına formalaşır: “Cərimələrin yüksək olması inkişafa mane olur. Sahibkar fikirləşir ki, bu qədər yüksək cərimə ödəməkdənsə işimi bağlayım. Ya da haramısa zədələyim, gedib əlillik alım”.
