Cəlilabad rayonunun ictimai nəqliyyatı bərbad vəziyyətdədir. Avtobusda isitmə sistemi işləmədiyi üçün sürücü salonda maye qaz balonu yandırır.
Məsələ ilə bağlı Yerüstü Nəqliyyat Agentliyindən sorğusuna cavab olaraq bildirilib ki, ötən gün sosial şəbəkələrdə paylaşılan marşrutla bağlı araşdırma aparılıb.
Cəlilabad şəhərdaxili 1 saylı marşrutda fəaliyyət göstərən Mercedes Benz markalı 10 OG 584 DQN-lı mikroavtobusun sürücüsü Bağırov Yaşar Bağır oğlu bildirib ki, qaz balonu mikroavtobusa əyləşən sərnişinlərdən birinə aiddir salonun içi isti olmaq üçün təsadüfən yandırıb. Buna baxmayaraq sürücünün belə təhlükəli hərəkətinin təkrar baş verməməsi üçün dərhal xəttən kənarlaşdırılıb.
