Bu gün 22.12.2022-ci il tarixidir. Gözə gözəl görünən belə tarixlər özəl günləri daha da yaddaqalan etmək üçün ideal seçimdir.

Əlamətdar günlərinin məhz bu tarixdə keçirilməsini istəyənlər də kifayət qədər çoxdur.

Hətta bəzi vətəndaşlar şadlıq evləri və restoranlarda bu tarixləri aylar öncədən pul ödəyərək bron etdirir. 

Paytaxtda yerləşən bəzi şadlıq evlərinin işçiləri də bu iddianı təsdiqlədilər. 

Bildirdilər ki, "zerkalny" tarixlərdə toy etmək istəyənlərin sayı adi günlərə nisbətən qat-qat çox olur. Elə bu səbəbdən də seçim edən restoran ən yüksək qiyməti təklif edən məclisə üstünlük verir. 

Məlumata görə, özəl tarixlərin toy qiymətinə təsiri 25-30% civarında artımla nəticələnir.