İstanbulun İstiqlal küçəsində baş verən terror hadisəsi ilə bağlı müzakirələr səngimək bilmir.

Müzakirə olunan məsələlərdən biri polislərin əməliyyat zamanı terrorçu qadının boğazını sıxması ilə bağlıdır. 

Polislər terrorçu Ahlam Albeshirin boğazını niyə sıxıb?

Təhlükəsizlik və terror mütəxəssisləri qeyd edirlər ki, qadının boğazı onun intihar etməsinin qarşısını almaq üçün sıxılıb. Çünki terrorçu saxlanıldığı an dərman atıb intihar edə bilərmiş. Onun intihar etməsi terror hadisəsi ilə bağlı bir çox məsələlərin sirli qalması ilə nəticələnəcəkdi. Bu səbəbdən əməliyyatçılar onun boğazını sıxıblar ki, özünü öldürməsin.

Qeyd edək ki, partlayış nəticəsində 6 nəfər həyatını itirib, 81 nəfər yaralanıb. Partlayışı törədən Ahlam Albashir gecə saatlarında həyata keçirilən əməliyyat zamanı saxlanılıb. Hazırda polis 37 nəfəri xarici ölkə vətəndaşı olmaqla 48 nəfəri həbs edib. Saxlanılanların çoxu suriyalıdır.