APA-nın şimal-qərb bürosunun məlumatına görə, hadisə bu gün saat 03 radələrində Yevlax-Zaqatala-Gürcüstan sərhəd magistiral yolunun Zaqatala rayonu ərazisindən keçən 127-ci km-də baş verib.
1985-ci il təvəllüdlü, Zaqatala rayonunun Aşağı Tala kəndində yaşayan Fətəliyev Rəhman Nəriman oğlu idarə etdiyi "VAZ-21011" markalı 62 BO 011 dövlət qeydiyyat nişanlı avtomobillə Zaqatala şəhəri Bayraq meydanı istiqamətindən Qax rayonu istiqamətində hərəkət edərkən əks hərəkət zolağına çıxaraq Qax rayonu istiqamətindən Zaqatala şəhəri Bayraq meydanı istiqamətində hərəkətdə olan 1980-ci il təvəllüdlü, Ağcabədi rayonunun Hacıbədəlli kəndində yaşayan Mamedov Eldəniz Məzahir oğlunun idarə etdiyi "KamAZ" markalı 04 BP 661 dövlət qeydiyyat nişanlı avtomobilin sol arxa hissəsindən vurduqdan sonra qarşıya doğru hərəkət edib.
"VAZ-21011" markalı avtomobilin sürücüsü Rəhman Fətəliyev, onun avtomobilində olan sərnişinlər - 1998-ci il təvəllüdlü Əhmədov Əhməd Vahid oğlu və 1991-ci il təvəllüdlü Ağayeva Sevinc Əsədullah qızı aldıqları müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasına yerləşdiriliblər.
Faktla bağlı tərəfimdən araşdırma aparılır.
