Hindistanda gənc evli cütlük ürək tutmasından dünyasını dəyişib.
Bu, onların toyundan dərhal sonra baş verib.
Mərasimdən sonra 22 yaşlı Pratap Yadav və onun 20 yaşlı həyat yoldaşı Puşpa öz otağına çəkilmək qərarına gəlsələr də, səhər qohumları onları ölü tapıblar. Yeni evlənənlərin meyitləri yataq otağında tapılıb.
Məhkəmə-tibbi ekspertiza iki gəncin ölümünə səbəbin ürək dayanması olduğunu müəyyən edib. Daha sonra bu qənaəti polis də təsdiqləyib, polis bunu bədbəxt hadisə hesab edərək cinayət işi başlatmayıb. Mütəxəssislər, ər-arvadda infarktın otaqda yüksək temperatur və havasızlıqdan qaynaqlana biləcəyini irəli sürüblər.
