Qəzalı körpü bərpa edildi (FOTO)

Qəzalı körpü bərpa edildi (FOTO)
Tarix: 20-06-2015 | Saat: 12:44
Bölmə:Hadisə | çapa göndər

Qəzalı vəziyətə düşmüş körpü qısa müddət ərzində bərpa edilərək istifadəyə verilib

Lənkəranda yerləşən qəzalı körpüdə nəqliyyat vasitələrinin hərəkəti bərpa edilib.

xeberaz.az xeber verir ki, Nəqliyyat Nazirliyi “Azəryolservis” ASC-nin Anar Nəcəflinin ANS PRESS-ə verdiyi məlumata görə, Ələt-Astara-İran İslam Respublikası ilə dövlət sərhədi avtomobil yolunun 186-cı kilometriyində, Lənkəran rayonunun Liman şəhəri ərazisində Boladiçay çayı üzərində yerləşən və qəzalı vəziyətə düşmüş körpü qısa müddət ərzində bərpa edilərək, yenidən sürücülərin ixtiyarına verilib.

Aparılmış əsaslı təmir-bərpa işləri nəticəsində körpünün dayaqları və dayaqüstü tirlər istisna olmaqla, aşırım tirləri yenilənib, körpüdə yeni seysmik sütunlar quraşdırılıb, yolun hərəkət hissəsinə monolit dəmir-beton üzlük döşənib, təkərqaytaranlar düzəldilib, dəmir mühəccərlər yenilənib, körpüyə giriş hisslərdə 6 metr uzunluğunda dəmir-beton plitələr tikilib. Bundan başqa körpünün ümumi eni 9 metrdən 11 metrə çatdırılıb. Nəticədə körpünün hərəkət hissəsinin eni 8 metr olub.

Xatırladaq ki, cari ilin may ayının 13-də Lənkəran rayonunun Liman şəhəri ərazisində Boladiçay çayı üzərində yerləşən körpüdə ağır yüklü maşınların intensiv hərəkəti nəticəsində 3 ədəd aşırım tiri sınmışdı. Nəticədə körpü qəzalı vəziyyətə düşmüşdü və nəqliyyatın hərəkəti burda tam məhdudlaşdırılmışdı. Körpü üzərində nəqliyyatın hərəkətinin intensivliyini nəzərə alan Nəqliyyat Nazirliyi “Azəryolservis” ASC baş vermiş hadisəyə operativ şəkildə reaksiya verərək, nəqliyyat vasitələrinin rahat və maneəsiz hərəkəti üçün ərazidə 2 ayrı alternativ yol açaraq, körpü üzərində əsaslı təmir-bərpa işlərinə başlamışdı. İşlər Nəqliyyat naziri Ziya Məmmədovun və “Azəryolservis” ASC rəhbərliyinin nəzarəti altında aparılırdı.

Məlumat üçün qeyd edək ki, körpü 1961-ci ildə inşa edilib. 3 aşırımdan ibarət, ümumi uzunluğu 50 metr olan körpünün hərəkət hissəsinin eni isə 7 metr idi.

Xəbəri paylaş

8328 dəfə oxunub.

Digər xəbərlər

4-06-2023, 21:24 "Kişi ata-anasından nə görürsə, xanımına da onu yaşadır"

10-12-2020, 13:20 "Bu zəfər Azərbaycanda uyuyan türk şəhidlərinin ruhunu şad edir" - İlham Əliyev

3-07-2016, 12:37 Həcc faciəsi: 13 ölü, 36 yaralı

30-01-2018, 09:51 Qurban Qurbanovun millimizdə ilk sınağı

1-12-2015, 11:45 Emindən atasına hədiyyə - video

10-07-2022, 12:13 1 stəkan pomidor şirəsinin möcüzəsi – Radiasiyanı təmizləyir, xərçəngdən qoruyur

20-04-2015, 13:56 2029-cu il dünyanın sonu ola bilər

12-04-2019, 13:47 YƏHYA BABANLI FHN-nin sözçüsü olaraq sözünü tutdumu?

18-08-2023, 16:46 Azərbaycanda ailələrdə müharibə gedir: Boşanan hər bir qızın arxasında anası durur - DƏHŞƏTLİ FAKTLAR