Son illərdə dəfələrlə Prezident tərəfindən Xəzər rayonundakı qəsəbələrdə daxili yolların təmirinə pul ayırıb. O qəsəbələr arasında Buzovna da var. Azərbaycan Avtomobil Yolları Dövlət Agentliyi qəsəbənin Prezidentin Bilgəhdəki iqamətgahına gedən yoldan görünən daxili yolları asfaltlayıb, qalan yollar ucqar kənd yollarına bənzəyir.

"Azərbaycan Reallığı" xəbər verir ki, bu barədə jurnalist Dünya Sakit sosial şəbəkə hesabında yazıb. O bildirib ki, bu vəziyyətdə olan yollardan biri də küçənin Nizami Gəncəvi küçəsinin yoludur:

“Magistral yoldan 200 metr aralıda yerləşir. 2014-cü ildə camaat özü pul yığıb asfaltlamışdı küçəni. 2015-ci ildə küçəyə şirin su çəkiləndə bərbad günə salındı. Daha sonra 2020-ci ildə yol kənarına işıq çəkiləndə axırına çıxdılar.

Bu yaxınlarda qonşu küçəyə qəşəng asfalt döşədilər – məlum oldu ki, küçədə yaşayan şəhid ailəsinin müraciətindən sonra ediblər. Küçənin başlandığı yolu ərazidə yaşayan varlı bir adam öz qapısına qədər asfaltladıb. O yoldan ayrılan küçələrin uzunluğu 500-600 metrə güclə çatır. AAYDA hər dəfə Buzovnada hansısa yolun təmirinə dair şəkil paylaşır, ha axtarırıq tapa bilmirik ki, söhbət hansı küçələrdən gedir. Yağışdan sonra küçəmiz dəryaya dönmüşdü, hələ də gölməçələr su ilə doludur”.