Beynəlxalq Banka yeni təyinat oldu

Beynəlxalq Banka yeni təyinat oldu
Tarix: 02-03-2017 | Saat: 11:02
Bölmə:M / Karusel / İqtisadiyyat | çapa göndər

Azərbaycan Beynəlxalq Bankının (ABB) menecment komandasına 3 yeni şəxs qoşulub.

Bankdan verilən məlumata görə, bunlar Ülvi Qasımov, Zamiq İsaoğlu və Eldar Xəlilovdur.

Ü.Qasımov ABB-nin İdarə Heyəti (İH) sədrinin müşaviri vəzifəsinə təyin edilib. O, 2005-ci ildə Azərbaycan Dövlət İqtisad Universitetini bitiriub, bank sektorunda 2006-cı ildən fəaliyyət göstərir, kreditləşmə fəaliyyəti sahəsində böyük təcrübəsi var, son təyinata qədər “Unibank” ASC-də çalışıb. Ü.Qasımov ABB-də korporativ bankçılıq istiqamətinin inkişafı məsələləri ilə məşğul olacaq.

Z.İsaoğlu da ABB-nin İH sədrinin müşaviri vəzifəsinə təyinat alıb. Azərbaycan Dövlət İqtisad Universitetinin, Türkiyənin 9 Eylül Universitetinin və Mərmərə Universitetinin məzunu, iqtisad elmləri üzrə fəlsəfə doktoru olan Z.İsaoğlu 2010-cu ildən Azərbaycan Mərkəzi Bankında müxtəlif vəzifələrdə çalışıb, son təyinata qədər “Azər-Türk Bank” ASC-də daxili nəzarət meneceri olub. O, audit və bank fəaliyyətinin digər bir sıra sahələri üzrə zəngin təcrübəyə malikdir, ABB-nin fəaliyyətinə korporativ idarəetmə istiqamətində dəstək göstərəcək.

E.Xəlilov isə Bankın İnsan resursları Departamentinə karyera planlanması və işəqəbul meneceri olaraq təyin edilib. Azərbaycan Dövlət İqtisad Universiteti və Sankt-Peterburq Dövlət Texniki Universitetini bitirmiş E.Xəlilov 2010-cu ildən Azərbaycanın müxtəlif aparıcı şirkətlərində bu sahədə fəaliyyət göstərib, son təyinata qədər “PAŞA Bank” ASC-nin karyera planlanması və işə qəbul meneceri olub.

Xatırladaq ki, artıq bu ilin fevralından ABB öz vakansiyalarını namizədlər üçün elan etməyə başlayıb.

ABB-də digər maliyyə-təşkilati sağlamlaşdırma tədbirləri də intensiv şəkildə davam etdirilir. Bankın İH-nin sədri Xalid Əhədovun rəhbərlik etdiyi idarəetmə komandasının qarşıya qoyduğu əsas hədəflər sağlamlaşdırma və restrukturizasiya prosesini qısa zamanda uğurla reallaşdırmaq, Azərbaycan Prezidentinin 15 iyul 2015-ci il tarixli müvafiq fərmanında Bankın fəaliyyəti ilə bağlı irəli sürülmüş vəzifələri yerinə yetirməkdir.

Xəbəri paylaş

6578 dəfə oxunub.

Digər xəbərlər

8-11-2017, 08:52 UEFA “Qarabağ”dan yazdı

28-09-2017, 12:16 Mübariz Qurbanlı: "Əminəm ki, İmam Hüseyn əzadarlığı dinimizə uyğun olacaq"

7-08-2023, 10:28 Qocalanda yoxsulluğa məhkum olan 3 BÜRC

20-05-2019, 10:12 Əcnəbilərlə nikaha girən 797 azərbaycanlı boşanıb - RƏSMİ

9-08-2017, 15:49 Sumqayıtda zorlanaraq öldürülən qadının FOTOLARI

18-04-2017, 12:55 Azərbaycanlı müğənni YOXA ÇIXDI

11-07-2016, 15:37 Ramil Usubov polis rəisi ilə bağlı əmr imzaladı

14-06-2016, 16:12 Hərbi helikopter qəzaya uğradı: 3 ölü

4-11-2017, 10:34 Cəbhədə SON XƏBƏR