XİN: "Dağlıq Qarabağın azərbaycanlı və erməni icmaları arasında dialoqun inkişaf etdirilməsi əhəmiyyətlidir"

XİN: "Dağlıq Qarabağın azərbaycanlı və erməni icmaları arasında dialoqun inkişaf etdirilməsi əhəmiyyətlidir"
Tarix: 09-12-2016 | Saat: 11:28
Bölmə:M / Karusel / Siyasət | çapa göndər

Şirift ölçüsü:

Xarici işlər naziri Elmar Məmmədyarov Hamburqda keçirilən ATƏT Nazirlər Şurasının 23-cü iclası çərçivəsində Avropa İttifaqının (Aİ) Cənubi Qafqaz üzrə xüsusi nümayəndəsi Herbert Salber ilə görüşüb.

"Xəbəraz.az " xəbər verir ki, XİN-dən Trend-ə verilən məlumata görə, gorüşdə Azərbaycan və Aİ arasında münasibətlərin perspektivləri, Ermənistan-Azərbaycan Dağlıq Qarabağ münaqişəsinə dair ətraflı fikir mübadiləsi aparılıb. Nazir E.Məmmədyarov Ermənistan-Azərbaycan Dağlıq Qarabağ münaqişəsinin həlli üzrə danışıqlar prosesinin mövcud vəziyyəti barədə həmsöhbətinə məlumat verib. O əlavə edib ki, Ermənistan silahlı qüvvələrinin Azərbaycanın işğal edilmiş ərazilərində qanunsuz mövcudluğu münaqişə zonasında gərginliyin əsas səbəbi və münaqişənin siyasi həllinə başlıca maneə olaraq qalır.

Vyana və Sankt-Peterburqdakı yüksək səviyyəli substantiv müzakirələri doğru istiqamətdə atılmış müsbət addımlar kimi qiymətləndirən E.Məmmədyarov Ermənistan silahlı qüvvələrinin Azərbaycanın işğal edilmiş ərazilərindən çıxarılmasının regionda ümumi təhlükəsizlik mühitinin əhəmiyyətli dərəcədə yaxşılaşmasını təmin edəcəyini bildirib.

E.Məmmədyarov Ermənistanın destruktiv siyasət yürüdərək substantiv danışıqlardan yayındığını, Azərbaycanın işğal olunmuş ərazilərində hərbi quruculuğunu möhkəmləndirdiyini, bu ərazilərin demoqrafik, mədəni və fiziki xarakterini dəyişdirdiyini və nəticə etibarilə status-kvonu saxlamağa çalışdığını diqqətə çatdırıb. Münaqişənin həlli prosesində Aİ-nin dəstəyi ilə aparılan xalq diplomatiyası tədbirlərinə toxunan E.Məmmədyarov Azərbaycanın Dağlıq Qarabağ bölgəsinin erməni və azərbaycanlı icmaları arasında dialoqun inkişaf etdirilməsinin əhəmiyyətinə diqqət çəkib.

H.Salber ətraflı məlumata görə təşəkkürünü ifadə edib və Avropa İttifaqının dəstəyi ilə münaqişənin həllinə töhfə vermək məqsədi daşıyan ictimai layihələr barədə məlumat verib. Görüşdə qarşılıqlı maraq doğuran digər məsələlər ətrafında fikir mübadiləsi aparılıb.

Xəbəri paylaş

4998 dəfə oxunub.

Digər xəbərlər

7-08-2015, 13:52 Türkiyədə PKK ilə təhlükəsizlik qüvvələri arasında atışma - ölən və yaralananlar var

22-12-2022, 11:52 Bakı aeroportunda Banqladeş vətəndaşı 20 pasportla saxlanıldı

13-11-2017, 15:45 Azərbaycanda döymə vurduranların 75 faizi qadındır - İlin qorxulu xəstəliklərə yoluxduran trendi

4-08-2017, 17:24 “Qarabağ”ın oyunlarının vaxtı və yeri dəqiqləşdi

28-10-2016, 15:44 Uşaq bezlərinin tərkibində xərçəng...

14-02-2017, 15:06 Azərbaycanda görünməmiş toy- 10 gündür davam edir (FOTOLAR)

11-02-2016, 18:25 Şəxsiyyət vəsiqələri ilə bağlı YENİLİK

16-08-2018, 16:36 Pensiyalar vaxtından tez verilir - Qurban bayramı münasibətilə

15-01-2018, 14:18 Haqq nədir, batil nədir?