Nazirliyə yeni səlahiyyət verildi

Nazirliyə yeni səlahiyyət verildi
Tarix: 10-05-2016 | Saat: 16:02
Bölmə:Karusel / Gündəm / M2 | çapa göndər

Ədliyyə Nazirliyinin Kollegiyası “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun tələblərinə əməl edilməsinə nəzarətin həyata keçirilməsi Qaydaları”nda dəyişiklik edib.

APA-nın məlumatına görə, qaydaya əsasən nəzarət orqanı olan Ədliyyə Nazirliyinin Qeydiyyat və notariat baş idarəsi tərəfindən nəzarət tədbirləri həyata keçirilərkən cinayət yolu ilə əldə edilmiş pul vəsaitlərinin və ya digər əmlakın leqallaşdırılması və ya terrorçuluğun maliyyələşdirilməsi sahəsində hüquqpozmalara şərait yaradan halların müəyyən edilərək aradan qaldırılması ilə yanaşı onların təhlilinə və qabaqlayıcı tədbirlərə diqqət yetirilməlidir.

İndiyə qədər Ədliyyə Nazirliyinin Qeydiyyat və notariat baş idarəsi Azərbaycan Respublikasının qanunvericiliyinə və tərəfdar çıxdığı beynəlxalq müqavilələrə, habelə Birləşmiş Millətlər Təşkilatının Təhlükəsizlik Şurasının aidiyyəti qətnamələrinə əsasən çərçivəsində barələrində sanksiyalar tətbiq edilməli olan fiziki və hüquqi şəxslər barədə qeyri-hökumət təşkilatlarını, xarici dövlətlərin qeyri-hökumət təşkilatlarının Azərbaycan Respublikasındakı filial və ya nümayəndəliyini məlumatlandırmalı idi. Dəyişikliyə əsasən, bundan sonra Qeydiyyat və notariat baş idarəsi Azərbaycan Respublikasının qanunvericiliyinə və tərəfdar çıxdığı beynəlxalq müqavilələrə, habelə Birləşmiş Millətlər Təşkilatının Təhlükəsizlik Şurasının aidiyyəti qətnamələrinə əsasən terrorçuluğun maliyyələşdirilməsinə qarşı mübarizə çərçivəsində barələrində sanksiyalar tətbiq edilməli olan fiziki və hüquqi şəxslər barədə qeyri-hökumət təşkilatlarını, xarici dövlətlərin qeyri-hökumət təşkilatlarının Azərbaycan Respublikasındakı filial və ya nümayəndəliyini məlumatlandırmalıdır.

Digər dəyişikliyə əsasən nəzarət orqanı kimi Ədliyyə Nazirliyinin Qeydiyyat və notariat baş idarəsinə yeni səlahiyyət verilib. Bundan sonra Qeydiyyat və notariat baş idarəsi terrorçuluğun maliyyələşdirilməsinə qarşı mübarizə çərçivəsində aktivlərin dondurulması üzrə tədbirlərin həyata keçirilməsinə nəzarət edəcək.

Xəbəri paylaş

5968 dəfə oxunub.

Digər xəbərlər

12-11-2019, 12:15 MSK 15 ölkəyə dəvət göndərdi - Bələdiyyə seçkiləri ilə bağlı

18-08-2023, 14:46 "Survivor"un keçmiş qalibi Turabidən üzücü xəbər: Halallıq istədi

13-05-2017, 18:46 “Pişik” Günel: “50 milyon versələr, anadangəlmə çılpaq... - VİDEO

23-01-2016, 00:27 Sözəbaxmayan uşağı bu üsullarla cəzalandırın – PSİXOLOQ YAZIR

29-03-2018, 20:46 Mətanət İsgəndərlinin üçmərtəbəli villası söküldü

7-10-2021, 10:24 Azərbaycanda uşaqlar kütləvi vaksinasiya olunacaq? - RƏSMİ - VİDEO

22-03-2017, 21:49 Zabrat gölü mütəmadi olaraq daşır - VİDEO

30-11-2022, 11:16 Xatirənin ikinci övlad arzusu: "Çox çalışdım, amma..."

14-03-2023, 10:49 Hər səhər ac qarına sarımsaq yeməyin BU FAYDALARINI BİLİRDİNİZ?