Uşaq dənizə girməkdən qorxursa, belə edin... – PSİXOLOQ YAZIR
Tarix: 28-06-2017 | Saat: 13:15
Bölmə:Karusel / Maraqlı | çapa göndər
"NARINC" Uşaq Psixologiya Mərkəzinin rəhbəri, psixoloq Narınc Rüstəmova hazırda aktual olan mövzudan – uşaqların dəniz qorxusundan yazıb.
Bu dəfə valideynlərin mövsümi qarşılaşdıqları çətinliklərdən biri olan dəniz qorxusundan söhbət açmaq istəyirəm. Dəniz qorxusu uşağın yaşına uyğun olaraq dəyişir və əsasən 3-6 yaş arası uşaqlarda idrak proseslərinin, xüsusən, təxəyyülün aktivliyi ilə əlaqədar olaraq özünü daha intensiv göstərir. Bu yaş arası uşaqlarda, daha çox yüksək səs (tozsovuran, ildırım çaxması), saç kəsimi (bərbər), həkim, su kimi qorxular müşahidə olunur. Məktəbəqədər yaşlı uşaqlarda müdafiə mexanizmi güclü olduğu üçün qorxularının kökündə bədənlərinə zədə dəymə, yaralanma kimi narahatlıqlar durur. Bu zaman uşaq ağlayır, anasından bərk-bərk yapışır, əşyaların arxasında, maşının oturacağının altında gizlənir.
Bəzən valideynlər “qorxunun üzərinə getmək lazımdır” şüarı ilə uşaqları zorla suya salaraq, suyun necə gözəl olduğundan danışaraq, ələ salaraq, “qorxaq” adlandıraraq uşağın dəniz qorxusuna qalib gəlməsini istəyir. Şüar doğru olsa da, tətbiq olunan üsulda bir az yanlışlıqlar var. Bu, əksinə, uşaqlarda gərginliyi daha da artırır və uzun müddət təzyiq olunarsa, zərərli vərdişlər - göz qırpma, dırnaq yemə, barmaq sovurma, hətta tik (uşağın istəkdən kənar çıxartdığı səs, müxtəlif baş və çiyin hərəkətləri) belə, müşahidə olunmağa başlaya bilər.
Bunun üçün valideynlərə uşaqları incitməyərək, istifadə edə biləcəyi praktik məsləhətlər vermək istəyirəm. İlk olaraq onu qeyd edim ki, yaşından asılı olmayaraq, uşaqlar ətraflarında cərəyan edən hər bir şeyi yarış kimi görür. Bu səbəbdən valideyn uşaqda dənizlə rəqabət hissi yaratsa, ideal olardı. Belə sual yaranır: bəs necə? Öncə uşağınıza əhvalatlar danışaraq, məsələn, “suyun üzərində gəzə bilən qəhrəman uşaq” nağılını uydura bilərsiniz. Valideynin yaradıcılıq bacarığından asılı olan ssenarisiz nağıl oyunumuzda sadəcə əsas məzmun sizin uşağınızın yaşlarında olan, suyun üzərində gəzə, altında gözlərini aça bilən qəhrəman uşaq barəsindədir. Bununla da uşaqda özü də hiss etmədən bu bacarığa sahib olmaq istəyi yaranır. Beləcə, qorxusunu arxa fona keçirərək, bacarığa, istedada çevirməyə çalışır.
Uşaqlar çimərkən valideynlər ona dəniz-dəniz oyunu adı altında vannaya su dolduraraq, köpük yaradaraq, ora sevimli oyuncaqlar qoyaraq suyu sevdirməlidir. Dənizə gedərkən isə uşaqların yavaş-yavaş suyu tanımasına şərait yaratmalıdırlar. Öncə ayaqlarını suya salaraq, sonra ata və ya anasının dəstəyi, rezin dairələrin köməyi ilə suyun üzərində qalmağına kömək edilməlidir. Sonra görəcəklər ki, uşaqları “qanları qaralmadan” necə həvəslə dənizə girmək istəyir.
Sonda isə, əziz valideynlər, uşaqlar ağlamadan, narahatlıq keçirmədən bütün qorxularının öhdəsindən gələ bilərlər. Sadəcə, bunun üçün onlara qorxduqları nəsnələri tanımağa, onları sevməyə vaxt verin.
Xəbəri paylaş
8468 dəfə oxunub.
Digər xəbərlər
Tarix: 28-06-2017 | Saat: 13:15
Bölmə:Karusel / Maraqlı | çapa göndər
"NARINC" Uşaq Psixologiya Mərkəzinin rəhbəri, psixoloq Narınc Rüstəmova hazırda aktual olan mövzudan – uşaqların dəniz qorxusundan yazıb.
Bu dəfə valideynlərin mövsümi qarşılaşdıqları çətinliklərdən biri olan dəniz qorxusundan söhbət açmaq istəyirəm. Dəniz qorxusu uşağın yaşına uyğun olaraq dəyişir və əsasən 3-6 yaş arası uşaqlarda idrak proseslərinin, xüsusən, təxəyyülün aktivliyi ilə əlaqədar olaraq özünü daha intensiv göstərir. Bu yaş arası uşaqlarda, daha çox yüksək səs (tozsovuran, ildırım çaxması), saç kəsimi (bərbər), həkim, su kimi qorxular müşahidə olunur. Məktəbəqədər yaşlı uşaqlarda müdafiə mexanizmi güclü olduğu üçün qorxularının kökündə bədənlərinə zədə dəymə, yaralanma kimi narahatlıqlar durur. Bu zaman uşaq ağlayır, anasından bərk-bərk yapışır, əşyaların arxasında, maşının oturacağının altında gizlənir.
Bəzən valideynlər “qorxunun üzərinə getmək lazımdır” şüarı ilə uşaqları zorla suya salaraq, suyun necə gözəl olduğundan danışaraq, ələ salaraq, “qorxaq” adlandıraraq uşağın dəniz qorxusuna qalib gəlməsini istəyir. Şüar doğru olsa da, tətbiq olunan üsulda bir az yanlışlıqlar var. Bu, əksinə, uşaqlarda gərginliyi daha da artırır və uzun müddət təzyiq olunarsa, zərərli vərdişlər - göz qırpma, dırnaq yemə, barmaq sovurma, hətta tik (uşağın istəkdən kənar çıxartdığı səs, müxtəlif baş və çiyin hərəkətləri) belə, müşahidə olunmağa başlaya bilər.
Bunun üçün valideynlərə uşaqları incitməyərək, istifadə edə biləcəyi praktik məsləhətlər vermək istəyirəm. İlk olaraq onu qeyd edim ki, yaşından asılı olmayaraq, uşaqlar ətraflarında cərəyan edən hər bir şeyi yarış kimi görür. Bu səbəbdən valideyn uşaqda dənizlə rəqabət hissi yaratsa, ideal olardı. Belə sual yaranır: bəs necə? Öncə uşağınıza əhvalatlar danışaraq, məsələn, “suyun üzərində gəzə bilən qəhrəman uşaq” nağılını uydura bilərsiniz. Valideynin yaradıcılıq bacarığından asılı olan ssenarisiz nağıl oyunumuzda sadəcə əsas məzmun sizin uşağınızın yaşlarında olan, suyun üzərində gəzə, altında gözlərini aça bilən qəhrəman uşaq barəsindədir. Bununla da uşaqda özü də hiss etmədən bu bacarığa sahib olmaq istəyi yaranır. Beləcə, qorxusunu arxa fona keçirərək, bacarığa, istedada çevirməyə çalışır.
Uşaqlar çimərkən valideynlər ona dəniz-dəniz oyunu adı altında vannaya su dolduraraq, köpük yaradaraq, ora sevimli oyuncaqlar qoyaraq suyu sevdirməlidir. Dənizə gedərkən isə uşaqların yavaş-yavaş suyu tanımasına şərait yaratmalıdırlar. Öncə ayaqlarını suya salaraq, sonra ata və ya anasının dəstəyi, rezin dairələrin köməyi ilə suyun üzərində qalmağına kömək edilməlidir. Sonra görəcəklər ki, uşaqları “qanları qaralmadan” necə həvəslə dənizə girmək istəyir.
Sonda isə, əziz valideynlər, uşaqlar ağlamadan, narahatlıq keçirmədən bütün qorxularının öhdəsindən gələ bilərlər. Sadəcə, bunun üçün onlara qorxduqları nəsnələri tanımağa, onları sevməyə vaxt verin.
Xəbəri paylaş
Digər xəbərlər
12-04-2018, 15:21
“Pozuntu faktı ilə bağlı hər hansı müraciət daxil olmayıb”
21-05-2015, 20:28
Yanan binanın qarşısında Elza Seyidcahandan MATƏM MELODİYASI
19-12-2015, 17:29
"Qıza görə 10 min"in PƏRDƏARXASI
30-12-2017, 14:42
Putin İlham Əliyevi təbrik edib
5-12-2015, 15:50
“Günəşli”dən SON XƏBƏR: 25-dən çox neftçi xilas edildi, əməliyyat davam edir - YENİLƏNİB
23-12-2016, 21:39
Putindən Əsədə: "Ən mühüm vəzifəmiz..."
6-02-2016, 12:09
Azərbaycanda əvvəlki illə müqayisədə ipoteka krediti artıb
18-11-2016, 21:32
Bakıda qonaq ev sahibini bıçaqlayıb qaçdı
5-03-2021, 08:46
Putin Batyanı yola salmaq istəyir? - Tixanovskaya
1-01-2017, 01:01
Prezident Azərbaycan xalqını təbrik etdi