Yevgeni Primakov vəfat edib
26-06-2015, 19:41. Yazar: Xeberaz
Putin onun qohumlarına və yaxınlarına başsağlığı verib.Rusiyanın keçmiş baş naziri və sabiq xarici işlər naziri Yevgeni Primakov 86 yaşında vəfat edib.
Xeberaz.az-ın xəbərinə görə, bu barədə Rusiya KİV-ləri məlumat yayıb.
Rusiya prezidenti Vladimir Putin Yevgeni Primakovun ölümü ilə bağlı başsağlığı verib. Bu haqda Rusiya prezidentinin mətbuat katibi Dmitri Peskov deyib: "Yevgeni Maksimoviç Primakovun vəfatı ilə bağlı prezidentə məruzə edilib. Prezident onun qohumlarına və yaxınlarına başsağlığı verib".
Onun sözlərinə görə, Putin Primakovla həmfikir idi: "Primakov böyük dövlət xadimi, alim, siyasətçi idi. O, özündən sonra böyük irs qoyub".
Qeyd edək ki, Y.Primakov 1929-cu ildə Kiyevdə (Ukrayna) anadan olub. O, Sovet İttifaqının son illərində bu dövlətin rəhbərlərindən biri olub. O, sonrakı illərdə Rusiyanın Xarici Kəşfiyyat Xidmətinin direktoru (1991-1996), xarici işlər naziri (1996-1998), baş naziri (1998-2000) vəzifəsində çalışıb.
Geri dön