BDU-nun itkin düşən tələbəsinin dənizdə meyiti tapıldı - FOTO
27-03-2022, 18:02. Yazar: Xeberaz
.jpg)
Bakı bulvarında dənizdə meyit tapılıb.
Bu barədə Fövqəladə Hallar Nazirliyi (FHN) məlumat yayıb.
Belə ki, FHN-in Böhran Vəziyyətlərində İdarəetmə Mərkəzinə Bakı şəhəri, Səbail rayonu, Dənizkənarı Milli Parkın ərazisində (ən yaxın sularda xilasetmə məntəqəsindən təqribən 600 m aralı, nəzarətsiz ərazi) aşkar edilən kişi meyitinin çıxarılmasına köməklik göstərilməsi üçün müraciət daxil olub.
Müraciətlə əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu çağırış üzrə cəlb olunub. Həyata keçirilən tədbirlər nəticəsində 2003-cü il təvəllüdlü Qənbərli İlkin Emil oğlunun meyiti aidiyyəti üzrə təhvil verilib.
Qeyd edək ki, Qənbərli İlkin Bakı Dövlət Universitetində (BDU) təhsil alırmış. O, BDU-nun Geologiya fakültəsinin tələbəsi olub.
19 yaşlı gənc mart ayının əvvəli itkin düşmüşdü.
Geri dön