Ana Sayfa > Karusel / İdman / M2 / Müsahibə / Gənclərimiz > Velosipedçilərimiz 14-cü "Tour de Qinghai Lake" yürüşündə iştirak edir. - (FOTO)
Velosipedçilərimiz 14-cü "Tour de Qinghai Lake" yürüşündə iştirak edir. - (FOTO)5-07-2015, 18:05. Yazar: Xeberaz |
Azərbaycanın kontinental velosiped komandası “Synergy Baku Cycling Project” bu gün Çində start götürən sayca 14-cü "Tour de Qinghai Lake" yürüşündə iştirak edir. Xeberaz.az məlumatına görə, Beynəlxalq Velosipedçilər İttifaqının 13 mərhələdən ibarət 2-ci kateqoriyalı yarışında 23 komanda iştirak edir ki, onların da içərisində 1 Dünya Turu, 3 Pro-kontinental və 19 kontinental klub var. Nüfuzlu yarışda "Synergy Baku" 7 velosipedçi ilə təmsil olunur. Sinin şəhərində təşkil olunan ilk dairəvi mərhələdə iştirakçılar şəhər küçələri ilə 121 km məsafə qət ediblər. Komanda üzvlərimizdən ən yüksək göstərici Yannis Tamuridisə məxsusdur - o, finişi mərhələ qalibi, Sloveniyanın "Adria Mobil" komandasının üzvü Marko Kumpla eyni vaxtda keçsə də, fotofinişə əsasən 6-cı olub. Həmin pelotonun içərisində olan Maksim Averin 12-ci, Aleksandr Surutkoviç isə 14-cü nəticə göstərib. Sabah iştirakçılar Duobadan Datonqa qədər olan 188 km məsafəni qət etməlidirlər. "Tour de Qinghai Lake" yürüşünə iyulun 18-də yekun vurulacaq. Geri dön |