Ana Sayfa > Karusel / Gündəm > Poroşenkonun mükafatlandırdığı azərbaycanlı DANIŞDI
Poroşenkonun mükafatlandırdığı azərbaycanlı DANIŞDI25-10-2017, 13:12. Yazar: Xeberaz |
Ukrayna Milli Qvardiyasının Milli Qəhrəman general S. Kulçiçski adına taborunun azərbaycanlı hərbçisi İsrafilov Vidadi Şəhriyar oğlu antiterror əməliyyatlarında xidmətlərinə görə prezident Pyotr Poroşenko tərəfindən mükafatlandırılıb. V. İsrafilov APA-ya bildirib ki, “Antiterror əməliyyatlarında iştirakına görə” medalı ilə təltif olunması barədə prezident 2016-cı ilin dekabrında sərəncam imzalasa da, mükafat ona dünən təqdim olunub. O qeyd edib ki, bu, ölkə rəhbərliyinin onun timsalında Ukraynada terror əleyhinə mübarizə aparanların xidmətinə verilən qiymətdir: “Bunu tək özümə yox, Ukraynada uğrunda döyüşən azərbaycanlıların, ümumiyyətlə bütün döyüşçü yoldaşlarımın xidmətinə verilən qiymət kimi dəyərləndirirəm. Bir azərbaycanlı kimi bu mükafatın mənim üçün böyük əhəmiyyəti var”. 1999-cu ildən Ukraynada yaşayan V. İsrafilov əslən Azərbaycanın Şəki rayonundandır. O, indiyə qədər Ali Rada və komandanlıq tərəfindən də bir sıra mükafatlara da layiq görülüb. Geri dön |