“Qarabağ”a rəqib olmaq sevindirici deyil”
14-09-2016, 21:02. Yazar: Xeberaz
“Qarabağ” Avropa Liqasının qrup mərhələsinin ilk oyununda Çexiyanın “Slovan” klubunu qəbul edəcək.
“Qafqazinfo” xəbər verir ki, oyundan öncə “Slovan”ın baş məşqçisi Yindrix Trpişovski mətbuat konfransında jurnalistlərin suallarını cavablandırıb:
- Oyuna çox ciddi hazırlaşmışıq. Bakı çox gözəl şəhərdir. İlk təəssüratlarım budur.
- Lukaş Pakorninin yoxluğunu hiss edəcəksiz?
- Əlbəttə hiss ediləcək, ancaq bu, olan şeydir. Onun boşluğunu doldurmağa çalışacağıq.
- “Qarabağ”ın baş məşqçisi Qurban Qurbanov Milan Baroşa xüsusi diqqət ayrılacağını bildirdi. Bəs, siz “Qarabağ”dan kimə xüsusi diqqət ayıracaqsız?
- “Qarabağ”ın oyunlarına çox baxmışıq. Son illərdə qat-qat gücləniblər. Çalışacağıq ki, topu özümüzdə çox saxlayaq. “Qarabağ”a irəlidə oynamağa çox imkan verməməliyik.
- Cəza müddətiniz bitdi. Oyunu tribunada deyil, meydanda izləyəcəksiz. Özünüzü necə hiss edirsiz?
- Bu, mənim üçün xoşagəlməz hal idi. Sevindiricidir ki, oyunun içində olacam. Komandama daha yaxın olacam.
- “Qarabağ”la rəqib olduğunuz üçün sevinirsiz, yoxsa əksinə?
- Güclü rəqibdirlər. “Qarabağ”la rəqib olmaq sevindirici hal deyil. Çalışacağıq ki, qələbə qazanaq.
Geri dön