Ana Sayfa > Karusel / İdman / M2 > Baş məşqçi biabırçı mәğlubiyyәtdәn danışdı
Baş məşqçi biabırçı mәğlubiyyәtdәn danışdı5-05-2016, 23:02. Yazar: Xeberaz |
Azərbaycanın 17 yaşadək futbolçulardan ibarət millisinin baş məşqçisi Təbriz Həsənov Bakıdakı Avropa çempionatında Portuqaliya yığması ilə görüşdən sonra mətbuat konfransı keçirib. "Xəbəraz.az "In sportnet.az-a istinadən məlumatına görə, Həsənov əvvəlcə oyun barədə danışıb: - Əslində mən də gözləmirdim. Ən çox ehtiyat etdiyim erkən qol idi. O da oldu. Belə rəqiblə oyundan sonra gərginlik öz sözünü dedi. Ən zəif oyunumuzu sərgilədik. Rəqib bizi hərtərəfli üstələdi. Hesab da oyuna görə oldu. - Qarşıdakı oyunlara komandanı hazırlamaq çətin olmayacaq? - Qarşıdakı 2 oyuna komandanı psixoloji cəhətdən hazırlamaq çətin olacaq. Mənim haqda nəsə deyə bilərsiniz. Amma uşaqların üzərinə getməyək. Qrupdan çıxmaq üçün şansımız var. Bunu qarşıdakı görüşlərdə qələbə qazanmaqla gerçəkləşdirmək olar. - Hazırlığın yüksək səviyyədə olmadığı fikri ilə razılaşmırsınız? Bu nəticəyə görə üzr istəmək fikriniz var? - Təbii ki, üzr istəsəm də, istəməsəm də, mən də azərbaycanlıyam. Mən də istəməzdim belə nəticə olsun. Qarşıdakı 2 oyundan sonra üzrxahlıq barədə danışaram. Aprelin 18-dən hazırlaşırıq. Təbii ki, üstümüzdə məsuliyyət var. Amma futbolçular əsas hazırlığı bizim komandada keçmirlər. - Pilağa Mehdiyevin start heyətində başlamamasına səbəb nə idi? - Mən son məşqlərdə özlərini göstərənləri əsas heyətə buraxmışdım. Pilağa isə özünü yaxşı tərəfdən göstərməmişdi. Həm də götürdüyümüz testlər də onun yaxşı hazırlıq səviyyəsində olmadığını göstərdi. - “İnter”dən bombardir Raul Süleymanzadəni milliyə götürməməyinizin səbəbi nədir? - İndiki heyətdəkilərin heç biri U-17 liqasında oynamır. Hamısı əvəzedici heyətdə çıxış edənlərdir. U-17 liqasındakıların oyunçuları heç biri burada oynaya bilməz. Hazırda ən güclü futbolçular yığmadadır. İnanmırsınızsa, özünüz gedin, dediyiniz futbolçuları yerindəcə izləyin. - Seçmə mərhələdə iştirak etməməyiniz bu nəticədə rol oynaya bilərmi? - Təbii ki, mənfi təsiri var. Bu komanda 15 yaşından bir yerdədir. Futbolçular seçmə mərhələnin gərginliyini yaşamayıblar. Portuqaliya həqiqətən güclüdür. - 6 legionerlə 0:5. Daha neçə legionerə ehtiyacınız var? - Onların heç biri legioner deyil. Bu gün meydanda oyunu ilə nə isə etmək istəyən futbolçular var idisə, onlar xarici çempionatda oynayanlar idilər. Geri dön |