Ana Sayfa > Karusel / Hadisə / M2 > 60 yaşlı tibb bacısını öldürən qatil yaxalandı

60 yaşlı tibb bacısını öldürən qatil yaxalandı


15-02-2016, 00:19. Yazar: Xeberaz
60 yaşlı tibb bacısını öldürən qatil yaxalandı
Caninin Əhmədovaya xeyli miqdarda borcu varmış.

Ağcabədidə tənha qadını öldürən şəxs yaxalanıb.

Xəbəraz.az -ın APA-ya istinadən məlumatına görə, Kamilə Əhmədovanı tanışı olan kişi öldürüb. Bildirilir ki, qatilin K. Əhmədovaya xeyli miqdarda borcu varmış.

Ağcabədi Rayon Prokurorluğundan şübhəli şəxs qismində saxlanılanın olduğunu təsdiqləsələr də, onun kimliyi barədə məlumat verilməyib.

Qeyd edək ki, fevralın 11-də Ağcabədi şəhər Ü. Hacıbəyov ev 13 ünvanında yaşayan, Ağcabədi Mərkəzi Rayon Xəstəxanasının Reanimasiya şöbəsində tibb bacısı işləyən, 1956-cı il təvəllüdlü K. Əhmədovanın meyiti evində qonşuları tərəfindən aşkarlanıb. K. Əhmədovanın qatili onu ütü ilə başına vuraraq öldürüb.

Mərhumun qızı və oğlu Bakı şəhərində yaşadığı üçün o, evində tənha yaşayırmış. Bir müddət əvvəl isə mərhum evinin bir otağını ali məktəbdə təhsil alan qızlara kirayəyə verib. Hadisə baş verən gecə tələbə qızlar qış tətili ilə əlaqədar evlərinə gediblər.
Geri dön