Rusiyada gənc oğlanı cərəyan belə vurdu – VİDEO
6-04-2015, 14:29. Yazar: Xeberaz
“Daniil fotoşəkil çəkdirmək istəyirdi”.
Voronejdə (Rusiya) yeniyetmə elektrik cərəyanının vurmasından dünyasını dəyişib. Hadisənin videosu internetdə yerləşdirilib. Videonun təsvirindən ölənin adının Daniil olduğu məlum olur.
Xeberaz.az Rusiya KİV-nə istinadən xəbər verir ki, istintaqın məlumatına görə, faciə günü o, dostu ilə “Olimpik” idman kompleksinə velosiped sürmək üçün gedib.
“Evə qayıdanda oğlanlar dəmir yolu körpüsündən keçmək qərarına gəliblər. Orada Daniil fotoşəkil çəkmək istəyib. Yaxşı kadr üçün oğlan körpünün yuxarı hissəsinə qalxıb və yüksək voltlu elektrik xəttinin olduğu orta hissəyədək gəlib”, - deyə, məlumatda bildirilir.
“Gənci tok vurub. Bu zaman dəmir yolu ilə keçən elektrik qatarı onun cəsədinə toxunub. Dostunu qatarın altından çıxarmağa çalışan ikinci yeniyetmə son anda özünü xilas edə bilib. Maşinist dərhal “təcili yardım” çağırıb. Lakin uşağı xilas etmək mümkün olmayıb”, - deyə, videonu YouTube-də yerləşdirən istifadəçi yazıb.
[media=https://youtu.be/qAyDgHlrMaU]
Geri dön