⚽️ Alveş "Barselona"dan ayrıldığını açıqlayıb

Müdafiəçi Daniel Alveş “Barselona”dan ayrıldığını açıqlayıb.

Bu barədə braziliyalı futbolçu sosial şəbəkədə yazıb.

“Vidalaşmağın vaxtı gəldi. 8 il idi bu kluba, bu rənglərə və bu evə həsr etmişəm... Amma həyatda hər şey kimi illər keçir, yollar ayrılır, hekayələr yenidən yazılır. Məni qovmağa çalışdılar, amma bacarmadılar, çünki nə qədər dözümlü və mətanətli olduğumu təsəvvür edə bilməzsiniz”, - D.Alveş yazıb

Qeyd edək ki, Daniel Alveş iyunun 30-da başa çatacaq müqaviləsinin sonunda azad agent kimi ayrılacaq.

Müdafiəçi ötən mövsüm “Barselona”nın heyətində bütün turnirlərdə 16 oyuna çıxıb, 1 qol vurub və 3 məhsuldar ötürmə edib.

D.Alveş 2021-ci ilin noyabrında Kataloniya klubuna qayıdıb. O, daha əvvəl 2008-2016-cı illərdə “Barselona”da çıxış edib.