“Devalvasiya “Qəbələ”yə təsirsiz ötüşməyəcək”
24-12-2015, 17:21. Yazar: Xeberaz
"Roman Qriqorçuk bizdən 2 legioner, 1 yerli futbolçunun transferini istəyib. Yerli futbolçulardan kiminlə danışıq apardığımızı söyləməyəcəyəm. Legioner axtarışımız isə davam edir"
Bu sözləri “Qəbələ”nin vitse-prezidenti Fariz Nəcəfov deyib. O, Derlis Meza Kollinin “Qəbələ”dən gedişini belə şərh edib: "Baş məşqçimiz Meza Kollinin komandada qalmasını istəyirdi. Üçümüz birgə söhbət də etmişdik. Lakin yekunda futbolçu ilə baş məşqçi ortaq məxrəcə gələ bilmədilər. Belə olan halda Meza Kolli komandadan ayrıldı".
Klub rəsmisi devalvasiyanın “Qəbələ”yə nə dərəcədə təsir edəcə biləcəyi haqqında isə bunları deyib: “Hələlik klub rəhbərliyi ilə görüşməmişik. Belə vəziyyətdə mən qərar verə bilmərəm. Birinci devalvasiyada çətinliklə üzləşdik. Amma bu işimizə mane olmadı. İndi də təsirsiz ötüşməsi mümkün deyil. Xarici futbolçularla və yerli oyunçuların bir qismi ilə müqavilədə məbləğ dollarla göstərilib”.
Geri dön