Rusiya Türkiyəyə görə ermənini cəzalandırdı
4-04-2015, 14:36. Yazar: Xeberaz
“Biz qərarla razı deyilik”.
Moskvanın Xamovniçesk məhkəməsi 2014-cü ilin avqustun 18-də Moskvada Türkiyə səfirliyi istiqamətində atəş açmış 43 yaşlı Artur Mirzoyanı 2 il müddətinə azadlıqdan məhrum edib.
Xeberaz.az news.am-a istinadla xəbər verir ki, bu barədə Mirzoyanın vəkili Georgi Şatvoryan məlumat verib.
“Biz qərarla razı deyilik və şikayət verəcəyik”, - o deyib.
Vəkilin sözlərinə görə, Artur Mirzoyan səfirliyə Türkiyənin qondarma “erməni soyqırımı”nı tanımadığına görə bu addımı atıb:
“Artur bu yolla beynəlxalq ictimaiyyətin diqqətini cəlb etmək istəyirdi”.
Mirzoyan Rusiya vətəndaşıdır, Tula vilayətində yaşayıb və “Dobriy les” ASC-nin sədri olub.
Xatırladaq ki, 2014-cü ilin avqustun 18-də Mirzoyan ov tüfəngindən Moskvada Türkiyənin səfirliyinə tərəf gerbə iki dəfə atəş açıb. Bir neçə saatdan sonra o saxlanılmış və cinayət işi qaldırılmışdı.
Geri dön