İlham Əliyev Ollanda başsağlığı verdi
14-11-2015, 14:02. Yazar: Xeberaz
“Bu ağır anlarda biz Fransa xalqı ilə, Sizinləyik”.
Azərbaycan Prezidenti İlham Əliyev Fransa Prezidenti Fransua Ollanda başsağlığı verib.
Xeberaz.az-ın Oxu.Az-dan aldığı məlumata görə, başsağlığında deyilir:
“Paris şəhərində törədilmiş amansız terror aktları nəticəsində çoxsaylı insan tələfatı və yaralananlar barədə xəbər bizi olduqca sarsıtdı.
Biz bu dəhşətli hadisədən son dərəcə hiddətlənir, terrorizmi qətiyyətlə pisləyir, onun bütün təzahürlərinə qarşı mübarizəni hər cür dəstəkləyirik.
Bu ağır anlarda biz Fransa xalqı ilə, Sizinləyik.
Baş vermiş bu faciə ilə əlaqədar Sizə, həlak olanların ailələrinə və yaxınlarına, bütün Fransa xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm”
Geri dön