Ayətullah Xamenei həcc ziyarətində baş vermiş faciə ilə əlaqədar 3 günlük matəm elan edib
24-09-2015, 23:54. Yazar: Xeberaz
Bakı, 24 sentyabr, SalamNews. İranin Ali dini lideri ayətullah seyid Əli Xamenei həcc ziyarətində yüzlərlə insanın ölməsi ilə nəticələnən faciə ilə əlaqədar 3 günlük matəm elan edib.
SalamNews-un ayətullahın dəftərxanasının rəsmi saytına istinadla verdiyi xəbərə görə, bəyanatda deyilir: "Səudiyyə hökuməti bu acı hadisənin məsuliyyətini qəbul etməlidir. Nəzərdən qaçırmamalıdır ki, hadisə yalnış idarəçilik və tədbirlər nəticəsində baş vermişdir. Hadisədə həlak olanların yaxınlarına baş sağlığı verir və ölkədə üç günlük matəm elan edirəm."
Bildirək ki, bu gün Məkkə yaxınlığındakı Mina şəhərciyində, Cəmarat adlı ərazidə hacıların şeytanı daşlaması mərasimi zamanı yaranan izdiham nəticəsində azı 717 zəvvar həyatını itirib, 863 nəfər isə xəsarət alıb.
Geri dön