İsrail öz vətəndaşlarını Türkiyə və Azərbaycana getməməyə çağırır
26-08-2015, 01:09. Yazar: Xeberaz
İsrailin Milli Təhlükəsizlik Şurası strukturuna daxil olan Terrorla Mübarizə Qərargahı növbəti dəfə siyahı dərc edib
Musavat.com İzRus.co.il xəbər portalına istinadən xəbər verir ki, siyahıda israillilərə getmək tövsiyə olunmayan ölkələrin adları yer alıb.
Onların sayı 33-dür və arasında Türkiyə və Azərbaycan da var. Qurum xüsusi zərurət olmadığı halda bu dövlətlərə səfərləri məsləhət görmür. Maraqlıdır ki, postsovet ölkələrindən yalnız Azərbaycan “təhlükəli ölkə” hesab edilib.
Sənəddə ayrıca olaraq, gedilməsi tövsiyə edilməyən rayonlar da göstərilib. Çeçen Respublikası adəti üzrə yenidən orada yer alıb. Hazırda kimlər ki, həmin rayonlardadır, onlara məsləhət görülür ki, təcili şəkildə oranı tərk etsinlər, çünki təhlükə kifayət qədər yüksəkdir.
Geri dön