Kontinent İnşaat" LLC şirkəti FƏHLƏLƏRİN HAQQINI MƏNİMSƏYİB - VİDEO
30-04-2022, 11:31. Yazar: Xeberaz
, 27.04.2022-ci il tarixində bir qrup gənc "Kontinent inşaat" LLC şirkətinin qarşısında etiraz aksiyası keçiriblər.
Aksiya iştirakçıları "Kontinent İnşaat" LLC-nin işçisi olduqlarını deyiblər. Onların sözlərinə görə, sözügedən tikinti şirkəti onları işə götürərkən, əmək müqaviləsini göstərmədən, aldadıb boş kağıza imza atdırıb. Ona görə də, bildirdiklərinə görə, artıq, bir neçə müddətdir ki, Əmək müqaviləsindən bixəbər sözügedən şirkətdə fəhlə işləyirlər.
Özlərinin də vurğuladığı kimi, müqavilə şərtlərindən yenicə xəbər tutan fəhlələr, müqavilədə göstərilən müddətdən artıq işlədikləri günlərin və saatların əmək haqqını tələb edirlər.
Lakin, təəssüflər olsun ki, nə şirkətin "Kişi kimi söz verirəm, pulunuzun hamısı saatına qədər hesablanıb, ödənəcəkdir", deyən səlahiyyətli nümayəndəsi, nə də başqa bir kimsə şirkət önündə haqlarının mənimsənilməsi səbəbilə etiraz aksiyası keçirən fəhlələrin üzünə qapı açmadı.
Mövzuya qayıdacağıq...
Qarşı tərəfin də mövqeyini dinləməyə və dərc etməyə hazırıq.
DogruXeber.az
Geri dön