Ana Sayfa > M / Karusel / Gündəm / Qarabağdan xəbər var > MN: Təxribata cəhd göstərən qanunsuz erməni silahlıları geri çəkilməyə məcbur edilib
MN: Təxribata cəhd göstərən qanunsuz erməni silahlıları geri çəkilməyə məcbur edilib26-03-2022, 11:59. Yazar: Xeberaz |
Martın 26-sı səhər saatlarında dumanlı hava və məhdudgörmə şəraitindən istifadə edən qeyri-qanuni erməni silahlı dəstələrinin üzvləri Azərbaycan Ordusunun bölmələrinə qarşı təxribat törətməyə cəhd göstərib. Müdafiə Nazirliyindən verilən məlumata görə, dərhal görülən tədbirlər nəticəsində qeyri-qanuni erməni silahlı dəstələrinin üzvləri geri çəkilməyə məcbur edilib. Baş vermiş insident barədə Rusiya sülhməramlı kontingentinin komandanlığına və Rusiya-Türkiyə Birgə Monitorinq Mərkəzinə məlumat verilib. Azərbaycan Ordusunun bölmələri sırasında itki yoxdur. Əməliyyat şəraiti bölmələrimizin nəzarəti altındadır. Geri dön |