"Cavid Hüseynovun yoxluğu hiss olunurdu"
21-08-2015, 00:19. Yazar: Sahane
Cavid Hüseynovun yoxluğu hiss olunurdu. Trend-in məlumatına görə, bu sözləri "Qəbələ"nin baş məşqçisi Roman Qriqorçuk Avropa Liqasının "pley-off" mərhələsində "Panatinaikos"la ilk matçdan (0:0) sonra keçirdiyi mətbuat konfransında deyib.
Roman Qriqorçuk deyib: "Cavidin yoxluğu böyük itkidir. Ancaq qrup mərhələsinə düşmək istəyən komanda bir futbolçudan asılı olmamalıdır. Caviddən başqa da yaxşı futbolçularımız var. Bu gün onlar özlərini yaxşı tərəfdən göstərdilər".
Ukraynalı mütəxəssis komandasının kifayət qədər yaxşı oyun nümayiş etdiridiyini bildirib:
"Futbolçularım əlindən gələni etdi. Komandamdan razı qaldım".Yəqin ki, bizi "Mançester Yunayted"lə səhv salmamısız. Fikrimcə, komandam yüksək səviyyəli oyun nümayiş etdirdi. Əvəzetmələri şərh etmək istəmriəm. Oyuna əsasən deyə bilərəm ki, orta xətdə müəyyən çatışmazlıqlar var idi. Əks-hücumların qurulmasında gecikirdik. Futbolçular sürətdə bir qədər geri qalırdı".
Geri dön