Televizor oğrusu polislə dərdləşdi - VİDEO
15-08-2015, 16:51. Yazar: Xeberaz
“Piyan idim. Dəyməzdi rəis, elə peşimanam ki, ailə quracaqdım...”
Abşeron rayonu ərazisində mənzildən televizor oğurlayan şəxs saxlanılıb.
Xeberaz.az Region TV-yə istinadən xəbər verir ki, bu ilin 26 iyul tarixində vətəndaş Abşeron rayon Polis İdarəsinə ərizə ilə müraciət edərək, ona məxsus mənzildən bir ədəd televizorun oğurlandığını bildirib. Rayon polis əməkdaşları tərəfindən təxirəsalınmaz əməliyyat-istintaq tədbirləri nəticəsində Abşeron rayon sakini, 25 yaşlı Ələddin İbrahimov saxlanılaraq istintaqa cəlb olunub.
İlkin istintaq zamanı saxlanılan şəxsin narkotik aludəçisi olduğu da aşkarlanıb. Təqsirləndirilən şəxs, evdən oğurluq edən zaman sərxoş olduğunu deyib:
“Piyan idim. Girdim evə, bir dənə televizoru götürüb çıxdım, aparıb satdım. Dəyməzdi rəis, elə peşimanam ki. Ailə quracaqdım...”
Qeyd edək ki, bu, saxlanılan şəxsin birinci məhkumluğu olmayacaq. Hazırda onun barəsində cinayət işi açılıb, araşdıram aparılır.
Geri dön