Aslan İsmayılov 1500 manat cərimələndi
4-07-2018, 17:38. Yazar: Xeberaz
Müasir Müsavat Partiyasının (MMP) sədri Hafiz Hacıyevin hüquqşünas Aslan İsmayılova qarşı xüsusi ittiham qaydasında verdiyi şikayət üzrə məhkəmə prosesi davam edib.
Səbail Rayon Məhkəməsində hakim Azər Tağıyevin sədrliyi ilə keçirilən prosesdə qərar elan edilib.
Qərara əsasən, Aslan İsmayılova Cinayət Məcəlləsinin 148-ci maddəsi üzrə 1500 min manat cərimə edilib. 147.2- ci maddəsi ilə isə bəraət verilib. Həmçinin məhkəmə A.İsmayılov barəsində başqa yerə getməməyə dair iltizam qətimkan tədbiri seçilib.
Qeyd edək ki, MMP-nin sədri H.Hacıyev hüquqşünas A.İsmayılovu xüsusi ittiham qaydasında məhkəməyə verib. O, müraciətində bildirib ki, A.İsmayılov onun şərəf və ləyaqətini alçaldıb və buna görə hüquqşünasın Cinayət Məcəlləsinin 147-ci (böhtan) və 148-ci maddələri ilə cinayət məsuliyyətinə cəlb edilməsini istəyib. A.İsmayılov da eyni maddələrlə onu məhkəməyə verib.
ŞƏRH YAZ
Geri dön