Zimbabve prezidenti Obamaya evlilik təklif edir
1-07-2015, 21:02. Yazar: Xeberaz
Zimbabve prezidenti Robert Muqabe ABŞ prezidenti Barak Obama haqda ironik açıqlaması ilə gündəmə gəlib.
Xeberaz.az -ın Tvzvezda.ru-ya istinadən məlumatına görə, Muqabe Obamaya evlilik təklif etmək üçün hazır olduğunu bildirib. Bu formada Zimbabve lideri ABŞ-da eynicinslilərin nikah hüququnun rəsmiləşdirilməsi xəbərinə sarkazmla münasibət bildirib.
“Əgər Obama homoseksualların nikahını dəstəkləyirsə, onların müdafiəsinə qalxırsa mən Vaşinqtona getməyə qərar vermişəm. Orada Obamanın qarşısında diz çökərək ona evlilik təklif edəcəyəm. O, kifayət qədər cəlbedicidir...”-deyə, 91 yaşlı prezident bəyan edib.
Qeyd edək ki, Muqabe homoseksuallar haqda neqativ fikirləri ilə tanınır. O, eyni zamanda Amerikanın siyasəti ilə də razı deyil.
Xatırladaq ki, iyunun 26-da ABŞ Ali Məhkəməsi bütün ölkə ərazisində eynicinslilərin nikah hüququnu təmin edib.
Geri dön