ŞOK HADİSƏ: beş nəfərlik azərbaycanlı ailəsi yanaraq öldü - RUSİYADA - YENİLƏNİB
24-07-2017, 12:57. Yazar: Xeberaz
Hadisə Krasnoyarsk şəhərindən 50 km aralıda yerləşən Suxobuzimsk rayonunun bağ evləri yerləşən ərazisində baş verib. Həmin ailə əslində Krasnoyarsk şəhərində yaşayırdı. Suxobizimsk yaxınlığında isə bağ evi icarəyə götürmüşdülər. Bu barədə Krasnoyarskdakı mənbə bildirib. Mənbənin bildirdiyinə görə, həmin bağ evində elektrik xətləri nasaz vəziyyətdə olub:
"Ona görə də əldəqayırma və primitiv, elektrik sobasından istifadə olunurmuş. Hadisə gecə yarı qəfil baş verib. Alov bir neçə dəqiqə ərzində evi bürüyüb. Hazırda həmin şəxslərin meyitlərinin Krasnoyarska gətiriləcəyi bildirilir”.
11:40
Rusiyanın Krasnoyarsk diyarında baş verən yanğında azərbaycanlı ailə məhv olub.
APA-nın məlumatına görə, iyulun 24-də yerli vaxtla saat 01.35-də Suxobuzimsk qəsəbəsinin yaxınlığındakı tikilidə yanğın baş verib.
Yanğın nəticəsində ailənin başçısı üç oğlu və bir qızı ilə birlikdə yanaraq ölüb.
Evin daha bir oğlu isə yanıq və dəm qazından zəhərlənmə diaqnozu ilə xəstəxanaya yerləşdirilib.
Hadisənin səbəbi araşdırılır.
Krasnoyarsk diyarı Azərbaycan Milli Mədəni Muxtariyyətinin sədr müavini Ayaz Məmmədov APA-ya bildirib ki, yanğın zamanı ölənlərin hamısı azərbaycanlıdır.
Yanğın nəticəsində ailənin başçısı, əslən Tovuz rayonundan olan 37 yaşlı kişi, onun 3, 6 və 10 yaşında üç oğlu, 1 yaşında qızı yanaraq ölüb, 14 yaşında oğlu isə xəstəxanaya yerləşdirilib.
Yanğın baş verən vaxt ana evdə olmayıb.
Hadisənin səbəbləri, ölənlərin və xəsarət alanın kimliyi müəyyənləşdirilir.
Geri dön