Ana Sayfa > M / Karusel / Gündəm > Ərdoğanı ilk olaraq Əliyev təbrik etdi

Ərdoğanı ilk olaraq Əliyev təbrik etdi


16-04-2017, 21:47. Yazar: Xeberaz

Ərdoğanı ilk olaraq Əliyev təbrik etdi

Aprelin 16-da Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğana telefonla zəng edib.

"Xəbəraz.az " xəbər verir ki, Prezident İlham Əliyev Türkiyə Respublikası Konstitusiyasına dəyişikliklər edilməsi ilə bağlı referendumun uğurla keçirilməsi və əhalinin çoxluğunun bu dəyişikliklərə səs verməsi münasibətilə Türkiyə prezidentini və xalqını təbrik edib, referendumun nəticələrini xalqın Prezident Rəcəb Tayyib Ərdoğanın siyasətinə verdiyi böyük dəstək kimi qiymətləndirib.

Rəcəb Tayyib Ərdoğan göstərilən diqqətə və təbriklərə görə minnətdarlığını bildirib.

Dövlət başçıları ölkələrimiz arasında dostluq və qardaşlıq münasibətlərinin bundan sonra da bütün sahələrdə uğurla inkişaf edəcəyinə əminliklərini ifadə ediblər.

Qeyd edək ki, hazırda seçicilərin demək olar ki, hamısının səsi hesablanıb. Son nəticə ilə Konstitusiya dəyişikliyi 51,2 faiz səs alıb.


Geri dön